મનોરંજન ઉદ્યોગ એવી ઇન્ડસ્ટ્રી છે જેમાં સફળતા મેળવતા વાર નથી લાગતી પરંતુ રોજ એટલા નવા ચહેરા આવતા હોય છે કે લોકો ચપટી વગાડતા એક્ટર્સને ભૂલી જાય છે.
નામકરણની એક્ટ્રેસને મદદની જરૂર
કિડની ફેઇલ થઇ જતા દાખલ
સોશ્યલ મિડીયા પર ફેન્સને આપ્યો મેસેજ
નામકરણ જેવા શોઝમાં નજર આવેલી એક્ટ્રેસ અનન્યા સોની હાલ હોસ્પિટલમાં દાખલ છે, તેની તબિયત ખરાબ છે અને કોરોના મહામારીના કારણે તે આર્થિક તંગીનો પણ સામનો કરી રહી છે. તેની પાસે પોતાના ઇલાજ માટેના પૈસા પણ રહ્યાં નથી.
અનન્યાની કિડની 2 ટકા કામ કરી રહી છે, જેના કારણે તેને હોસ્પિટલમાં દાખલ કરવી પડી છે. એક્ટ્રેસે સોશ્યલ મિડીયા પર વીડિયો પોસ્ટ કરીને પોતાની સ્થિતિ વિશે જાણકારી આપી છે.
વીડિયોમાં શું કહ્યું ?
વીડિયોમાં અનન્યાએ કહ્યું કે, તેની કિડની 2 ટકા કામ કરી રહી છે અને તે ખુબ ખરાબ કન્ડીશનમાં છે. તેને પોતાના ટ્રાંસપ્લાન્ટ માટે પૈસાની જરૂર છે. 4 થી 5 લાખ રૂપિયાનો ખર્ચો આવશે.
એક ઇન્ટરવ્યૂમાં તેણે કહ્યું કે, હું 2015 થી એક કિડની પર જીવી રહી છુ. 6 વર્ષ પહેલા મારી બંને કિડની ફેઇલ થઇ ગઇ હતી અને મારા પપ્પાએ મને એક કિડની આપી હતી. અચાનક મારી તે કિડની ફેઇલ થઇ ગઇ અને મને હવે બીજીવાર ટ્રાંસપ્લાન્ટ કરાવવાની જરૂર છે. જ્યારે હું નામકરણ અને ક્રાઇમ પેટ્રોલ જેવા શોઝ કરી રહી હતી ત્યારે મેં પોતાની આ પ્રકારની સ્થિતિ વિશે ક્યારેય વિચાર્યુ નહોતું.
અનન્યાએ કહ્યું કે, તે મને મારા ક્રિએટીનને ઓછુ કરવા માટે દવાઓ આપતા રહ્યા, ડાયાલિસીસ હજુ શરૂ થયુ નથી અને મારે એક ડોનરની પણ જરૂર છે. મારી માતાને કપડાનો બિઝનેસ હતો અને મારો ભાઇ પણ સારું કામ કરી રહ્યો હતો. તેના મશીન થોડા સમય પહેલા બળી ગયા અને ઘરમાં આગ લાગતા બધુ ભસ્મ થઇ ગયુ હતુ.