ટીવીથી લઇને બોલીવુડ સુધી પોતાનો સિક્કો જમાવનારી નિર્માતા એકતા કપૂર પોતાની ટીવી સીરીઝ નાગિનની આગામી સિઝન લઇને આવી રહી છે. આ શોની પહેલાની 5 સિઝન TRP પર જડબાતોડ જલવો બતાવી ચૂકી છે. પરંતુ આ વખતે નાગિન 6નો પ્રોમો સામે આવતા જ લોકોએ તેને નકારી દીધો છે.
એકતા કપૂર ટીવી સીરીઝ નાગિનની આગામી સિઝન લઇને આવી રહી છે
નાગિન 6નો પ્રોમો સામે આવતા જ લોકો થયા અચંબિત
સોશિયલ મીડિયામાં કેટલાંક યુઝર્સે કર્યા વખાણ તો અમુકે કરી નિંદા
કોરોના સામે લડશે નાગિન !
આ પ્રોમો વીડિયોમાં કહાનીનો જે પ્લોટ જોવો મળી રહ્યો છે તેને લઇને લોકોએ એકતા કપૂરને ટ્રોલ કરવાનુ શરૂ કરી દીધુ છે. જાણો આખરે આ પ્રોમોમાં એવુ શું છે કે લોકો આ કહાની પર નારાજ થઇ ગયા છે. ખરેખર, છેલ્લાં 2 વર્ષથી આખી દુનિયામાં કોરોના વાયરસે તબાહી મચાવી છે. વર્ષ 2020માં આખી દુનિયા અંધકારમય થઇ ગઇ હતી અને અત્યાર સુધી આ વાયરસના કારણે દુનિયા નોર્મલ થઇ શકતી નથી. પરંતુ એકતા કપૂરના લેખકોએ આ મહામારીના જોખમને મજાક બનાવી દીધી છે. કારણકે હવે આ વાયરસનો ખાત્મો સાયન્સ અથવા ડોકટર નહીં, પરંતુ નાગિન કરી રહી છે. જુઓ આ પ્રોમો.
આ મહામારીએ ઘણા લોકોનુ આખુ જીવન બરબાદ કરી નાખ્યું છે. એવામાં નાગિન 6માં આ મહામારીને મજાકની જેમ રજૂ કરવી લોકોને પસંદ આવી રહ્યું નથી. પ્રોમો વીડિયોમાં સ્પષ્ટ રીતે દેખાય છે કે નાગિન કોરોના સાથે લડશે. એવામાં સોશિયલ મીડિયામાં યુઝર્સે એકતા કપૂરની ટીકા કરી છે. એક યુઝરે લખ્યું, એકતાજી, શર્મિદા ના કરશો. તો કેટલાંક યુઝર્સે આને બાલાજી પ્રોડક્શનનું સૌથી ખરાબ પ્લોટ ગણાવ્યો છે. એટલું જ નહીં, કેટલાંક યુઝર્સે લેખકોના મગજને નમન કર્યુ છે.