પ્રશ્ન / છેલ્લાં 4 વર્ષમાં ચીન દ્વારા ભારતની 1600 કંપનીઓમાં માતબર રોકાણ, આંકડો ચોંકાવનારો

• ભારતમાં ચીનના રોકાણ પર સંસદમાં પૂછાયો સવાલ 
• સરકારે ચીની રોકાણને લગતા સવાલો પર આપ્યો જવાબ 
• ભારતની લગભગ 1600 જેટલી કંપનીઓમાં ચીનનું માતબર રોકાણ 

ચીને છેલ્લાં 4 વર્ષમાં ઓટોમોબાઈલ ઉદ્યોગ, પુસ્તકોનું પ્રિન્ટિંગ (લિથો પ્રિન્ટિંગ ઉદ્યોગ સહિત), ઈલેક્ટ્રોનિક્સ, સેવાઓ અને વીજળી ઉપકરણોની કંપનીઓમાં 100 કરોડ ડોલરથી વધુનું રોકાણ કર્યુ છે. 

દેશની 1600થી વધુ કંપનીઓએ 2016થી 2020 સુધીમાં ચીનથી એક અબજ ડોલર મેળવ્યા 

દેશની 1600થી વધારે ભારતીય કંપનીઓને એપ્રિલ 2016થી માર્ચ 2020 દરમ્યાન ચીનમાંથી એક અબજ ડોલરથી વધુનું FDI (ફોરેન ડાયરેક્ટ ઈન્વેસ્ટમેન્ટ) પ્રાપ્ત થયું છે. સરકારી આંકડાઓમાં આ જાણકારી આપવામાં આવી છે. આ આંકડો મંગળવારે રાજ્યસભામાં એક પ્રશ્નના જવાબમાં લેખિતમાં આપવામાં આવ્યો છે. 

સરકારને પ્રશ્ન પૂછાયો હતો કે શું આ સત્ય છે કે ભારતીય કંપનીઓમાં વિશેષ રૂપથી સ્ટાર્ટૃઅપમાં ચીની એજન્સીઓ દ્વારા મોટા પાયે રોકાણ કરવામાં આવ્યું છે. આંકડા અનુસાર 1600થી વધુ કંપનીઓએ અપ્રિલ 2016થી માર્ચ 2020ના સમયગાળા દરમ્યાન ચીનમાંથી 102 કરોડ 2.5 લાખ ડોલર (1.02 અબજ ડોલર)નું FDI મેળવ્યું છે. 

વિવિધ ક્ષેત્રોના સ્ટાર્ટ અપ્સમાં છે ચીની રોકાણ 

આ કંપનીઓ 46 ક્ષેત્રોમાં હતી જેમાં ઓટોમોબાઈલ ઉદ્યોગ, પુસ્તકોનું પ્રિન્ટિંગ (લિથો પ્રિન્ટિંગ ઉદ્યોગ સહિત), ઈલેક્ટ્રોનિક્સ, સેવાઓ અને વીજળી ઉપકરણોની કંપનીઓમાં 100 કરોડ ડોલરથી વધુનું રોકાણ ચીને કર્યુ છે. 

સૌથી વધુ રોકાણ  ઓટોમોબાઈલ ક્ષેત્રમાં છે 

આંકડા પરથી ખ્યાલ આવે છે કે ઓટોમોબાઈલ ઉદ્યોગે 17.2 કરોડનું સૌથી વધુ રોકાણ ચીન પાસેથી મેળવ્યું છે. જ્યારે સર્વિસ સેક્ટરમાં 13.96 કરોડ ડોલરનું FDI પ્રાપ્ત થયું છે. મંત્રી અનુરાગ સિંહ ઠાકુરે લેખિત જવાબમાં કહ્યું કે કોર્પોરેટ બાબતનું મંત્રાયલ ચીની એજન્સીઓ દ્વારા કરાયેલા રોકાણ વિશે જાણકારી નથી રાખતું.