પૈસા જ પૈસા / મોદીજી, અમે ભારતમાં 37.50 લાખ કરોડ રૂપિયાનું રોકાણ કરવા માંગીએ છીએ, છાપામાં છપાયેલી જાહેરાતથી ખળભળાટ

• 500 અરબ ડોલરના રોકાણની પીએમ મોદી પાસે માંગ
• કંપની પર કેમ ઉઠી રહ્યા છે સવાલ?  
• ફક્ત એક લાખની રકમ

દેશના જાણીતા છાપાઓમાં પહેલા પન્ના પર સોમવારે એક જાહેર જોઈને લોકો ચોંકી ઉઠ્યા. આ એડમાં દાવો કરવામાં આવ્યો હતો કે અમેરિકી કંપની લેન્ડોમસ રિયલ્ટી INC. ભારતના ઘણા પાયાના પ્રોજેક્ટ્સમાં 500 અરબ ડોલરનું રોકાણ કરવા ઈચ્છે છે. જાહેરાતના માધ્યમથી પીએમ મોદી પાસે રજૂઆત કરવામાં આવી છે કે તે બિઝનેસ કરવાની પરવાનગી આપે. 

આ એડના આવ્યા બાદ સોશિયલ મીડિયા પર તેને લઈને સવાલ ઉઠ્યા છે. એવા સવાલો ઉઠ્યા છે કે જો કોઈ કંપનીને રોકાણ કરવું હોય તો તે સીધું પીએમ મોદીને મળીને અથવા વાણિજ્ય મંત્રાલયના કોઈ પણ અન્ય ઉચિત પ્લેટફોર્મ પરથી તેના માટે સંપર્ક કરી શકે છે. તેના માટે છાપામાં જાહેરાત આપવાની શું જરૂર હતી? 

કંપનીને પણ શંકાની નજરે જોવામાં આવી રહી છે કારણ કે આ ગ્રુપની ભારતીય પેડ અપ કેપિટલ ફક્ત 1 લાખ રૂપિયા જ છે. તેના પર સોશિલ મીડિયાના એક યુઝરે કહ્યું કે આ લોકો આટલો કોન્ફિડન્સ ક્યાંથી લાવે છે? 

શું છે જાહેરાતમાં?

જાહેરાતમાં કહેવામાં આવ્યું છે કે, 'લેન્ડોમસ રિયલ્ટી વેન્ચર્સ, ઈંક, યુએસએ પહેલા ચરણના રોકાણના રૂપમાં ભારતના નેશનલ ઈન્ફ્રાસ્ટ્રક્ચર પાઈપલાઈન અને ગેર એનઆઈપી પ્રોજેક્ટ્સમાં 500 અરબ ડોલરનું રોકાણ કરવા માંગે છે.' 

એડમાં પીએમ મોદીને રજૂઆત કરવામાં આવી છે કે તે 'ન્યૂ ઈન્ડિયાના પોતાના વિઝનમાં યોગદાન કરવાનો મોકો આપે.' કંપનીએ કહ્યું કે તે નવા ભારતના નિર્માણ અને 5 ટ્રિલિયન ડોલર જીડીપી લક્ષ્યને મેળવવામાં સરકારની મદદ કરવી ઈચ્છે છે. આટલું જ નહીં એડમાં કહેવામાં આવ્યુ છે કે 'અમારી પાસે ભારતને મહામારીથી મુક્ત કરવાનો ઠોસ પ્લાન છે. તેને પેશ કરવામાં મોકો આપે'

કંપની પર કેમ ઉઠી રહ્યા છે સવાલ? 

કંપનીને લઈને ઘણા પ્રકારની આશંકા જતાવવામાં આવી રહી છે. ગુગલ સર્ચ કરવા પર કંપની વિષે જે જાણકારી મળે છે, તે અનુસાર અમેરિકામાં તેનું એડ્રેસ 6453 Riverside Station Boulevard, Secaucus, NJ 07094, USA આપવામાં આવ્યું છે. અમેરિકી કંપનીની વેબસાઈટ પર તે સિવાય બીજી કોઈ જાણકારી નથી આપી. 

ભારતમાં આ ગ્રુપની કંપનીનું નામ Landomus Realty Ventures Private Limited છે અને તેનું ગઠન 17 જુલાઈ, 2015એ એક ખાનગી કંપનીના રૂપમાં કરવામાં આવ્યું છે. તેનું રજીસ્ટ્રેશન ઓફ કંપનીઝ, બેંગ્લોર દ્વારા રજીસ્ટ્રેશન કરવામાં આવ્યું છે. કંપનીનું એડ્રેસ મણિપાલ સેન્ટર, ડિન્કેસન રોડ, બેંગ્લોરનો છે. 

ફક્ત એક લાખની રકમ 

રસપ્રદ વાત એ છે કે કંપની ભારતમાં 500 અરબ ડોરલનું રોકાણનો દાવો કરી રહી છે. પરંતુ તેની વેબસાઈટ અનુસાર આ ગ્રુપની ભારતીય કંપની  Landomus Realty Ventures નું ઓથરાઈઝ્ડ શેર કેપિટલ ફક્ત 10 લાખ રૂપિયાનું અને પેડએપ કેપિટલ ફક્ત 1 લાખ રૂપિયાની છે.