રહસ્યમય / ઉત્તરાખંડનું રહસ્યમયી મંદિર, જ્યાં પૂજારી પણ આંખો પર પટ્ટી બાંધીને કરે છે ભગવાનની પૂજા, જાણો શું છે કારણ

• ઉત્તરાખંડના ચમોલીમાં સ્થિત લાટૂ દેવતાનુ મંદિર
• મંદિરમાં પૂજારી મોં અને નાકમાં પટ્ટી બાંધીને પૂજા કરે છે
• સ્થાનિકોની માન્યતા, મણિની તેજ રોશનીથી માણસ થઇ શકે અંધ

અહીં નાગરાજ અદ્ભૂત મણિની સાથે રહે છે

માન્યતાઓ મુજબ આ મંદિરમાં નાગરાજ અદ્ભૂત મણિની સાથે રહે છે. જેને સામાન્ય લોકો જોઈ શકતા નથી. એટલું જ નહીં, પૂજારી પણ તેની આંખો પર પટ્ટી બાંધીને પૂજા કરે છે. કારણકે તેઓ મહાન રૂપ જોઈને ના ડરે. સ્થાનિકોનુ માનવુ છે કે મણિની તેજ રોશનીથી માણસ અડધો અંધ પણ હોઇ શકે છે. એટલું જ નહીં, પૂજારીના મોંઢાની ગંધ પણ દેવતા સુધી પહોંચવી ના જોઈએ અને નાગરાજની ઝેરી ગંધ પૂજારીના નાક સુધી ના પહોંચવી જોઈએ.

આ દિવસે ખુલે છે કપાટ 

મંદિરના દરવાજા વર્ષમાં એક વખત વૈશાખ મહિનાની પૂર્ણિમાના દિવસે ખુલે છે. કપાટ ખુલતા સમયે પણ મંદિરના પૂજારી તેની આંખ અને મોંઢા પર પટ્ટી બાંધે છે. કપાટ ખુલ્યા બાદ શ્રદ્ધાળુ દેવતાના દર્શન દૂરથી જ કરે છે. આ મંદિરમાં વિષ્ણુ સહસ્ત્રનામ અને ભગવતી ચંડિકા પાઠનુ આયોજન થાય છે. તો માર્ગશીર્ષ અમાસના રોજ કપાટ બંધ હોય છે. 

નંદા દેવીના ભાઈ છે લાટૂ દેવતા

પૌરાણિક કથાઓ મુજબ લાટૂ દેવતા ઉત્તરાખંડની આરાધ્યા દેવી નંદા દેવીના ધર્મ ભાઈ છે. આ મંદિર દર 12 વર્ષમાં થતી શ્રી નંદા દેવી રાજ જાતની યાત્રાનો 12મો તબક્કો પણ છે. લાટૂ દેવતા વાંણથી લઇને હેમકુંડ સુધી તેની બહેન નંદા દેવીની આગેવાની કરે છે. વૈશાખ પૂર્ણિમાના રોજ દર વર્ષે અહીં સ્થાનિક મેળો થાય છે. જેમાં દૂર-દૂરથી લોકો આવીને સામેલ થાય છે.