28 જુલાઈએ ધનબાદમાં મોર્નિંગ વોક દરમિયાન થયું હતું જજનુ મોત
સીબીઆઈએ હવે વિધિવત રીતે આ કેસની તપાસ સંભાળી લીધી છે. 28 જુલાઈએ ધનબાદમાં મોર્નિંગ વોક પર જજ ઉત્તમ આનંદને કોઈ અજાણી ઓટો જાણીજોઈને ટક્કર મારીને ફરાર થઈ હતી. ઓટોની અણધારી અને જોરદાર ટક્કરથી જજને ઘણું વાગ્યું હતું અને હોસ્પિટલમાં સારવાર દરમિયાન તેમનું મોત થયું હતું. ઝારખંડ પોલીસે આ ઘટનામાં સામેલ ઓટો અને તેના ચાલકની ધરપકડ કરી લીધી છે. મુખ્યમંત્રી સોરેને આ કેસની તપાસ અને દોષીઓને ઝડપી પાડવા સીટની રચના કરી હતી.
વહેલી સવારે રિક્ષાએ મારી ટક્કર
સવારે 5 વાગ્યાના સુમારે, રસ્તાના કિનારે જમણી બાજુ એક વ્યકિત કસરત કરી રહ્યો હતો. ત્યારે અચાનક પાછળથી એક ઓટો રિક્ષા આવી, રસ્તા પર સીધા જવાની જગ્યાએ થોડી જમણી બાજુ હંકારી પૂર ઝડપે વ્યક્તિને ટક્કર મારી, કસરત કરી રહેલો વ્યક્તિ બીજું કોઈ નહી ન્યાયાધીશ ઉત્તમ આનંદ હતા. રિક્ષા ટક્કર વાગતા જ ન્યાયાધીશ ગંભીર રીતે ઘાયલ થયા અને થોડી જ ક્ષણોમાં જીવ જતો રહ્યો. જો કે ગંભીર બાબત એ બની કે ટક્કર મારી, રિક્ષાવાળાએ રોકવાને બદલે રિક્ષા ખૂબ ગતિથી દોડાવી મૂકી.
આ ઘટના ઝારખંડના ધનબાદની છે.અને રિક્ષાએ જે વ્યક્તિને ટક્કર મારી તે વ્યક્તિ ધનબાદના જજ ઉત્તમ આનંદ હતા. પણ જ્યાં સુધી આ ઘટનાના સીસીટીવી સામે ન આવ્યા ત્યાં સુધી આ ઘટનાને માત્ર એક અકસ્માતના રૂપથી જોવામાં આવી પરતું સીસીટીવીને ધ્યાનથી ચેક કરતાં ગુનાહીત કાવતરાની ગંધ આવી.
CCTVએ ફોડ્યો ભાંડો
આ ઘટનાના સીસીટીવી વિડીયોને આધારે સાફ જોઈ શકાય છે કે જજ ઉત્તમ આનંદને જાણી જોઈને રિક્સાની ટક્કર મારવામાં આવી. આખીય ઘટનાને એક અક્સમાતમા પતાવી દેવાનો પ્લાન ઘડાયો હતો.
6 મહિના પહેલાજ આવ્યા હતા ધનબાદ
ન્યાયાધીશ ઉત્તમ આનંદ 6 મહિના પહેલાજ ધનબાદના ન્યાયાધીશનો પદભાર સંભાડયો હતો. આ પહેલા તે બોકારો જિલ્લાના સત્ર ન્યાયાધીશ હતા. રોજની જેમ ન્યાયાધીશ ઉત્તમ આનંદ કસરત કરવા સવારે 5 વાગ્યે તેમના ધરથી નીકળ્યા, આ જ સમય દરમિયાન રણધીર વર્મા ચોક પાસે ન્યુ જજ કોલોનીના વળાંક પર એક રિક્ષા ટક્કર મારી અને ત્યારથી રફુચક્કર થઈ ગઈ. રસ્તા પર વ્યક્તિને તડપતો જોઈ પવન પાંડે નામના રાહદારીએ જજને ઘાયલ અવસ્થામાં SNMMCH હોસ્પિટલ ભેગા કર્યા. જ્યાં સારવાર દરમિયાન તેમનું મૃત્યુ થયું.