બ્લાસ્ટમાં એક યુવકનું મોત, મહિલા સહિત બે બાળકીઓને ગંભીર ઈજા
બ્લાસ્ટના ચોક્કસ કારણ અંગે FSLની ટીમ કરશે તપાસ
અરવલ્લીના શામળાજીમાં ફરી એક વાર ભેદી ધડાકાનો મામલો સામે આવ્યો છે. પરતું આ વખતે ભેદી બ્લાસ્ટ થતા એક યુવકનું મોત નીપજ્યું છે, ગોઢકુલ્લા ગામે રહેણાંક મકાનમાં ભેદી બ્લાસ્ટ થતા એક યુવકનું મોત નીપજ્યું છે જ્યારે એક મહિલા સહિત બે બાળકીઓને ગંભીર ઈજા થતા તેમને તાત્કાલિક સારવાર અર્થે હોસ્પિટલ ખસેડવામાં આવી છે.
બ્લાસ્ટમાં એક યુવકનું મોત, મહિલા સહિત બે બાળકીઓને ગંભીર ઈજા
સમગ્ર મામલે સ્થાનિક તંત્રને રજૂઆત કરતા ઈન્ચાર્જ SP બી.બી.બસિયા, LCB, SOGની ટીમ ઘટના સ્થળે પહોંચી છે, જો કે કયા કારણથી ભેદી ધડાકા થયા તેને લઈ હજુ કોઈ માહિતી મળી નથી, ગોઢકુલ્લા ગામે મકાનમાં ભેદી બ્લાસ્ટના કારણે યુવકનું મોત છે અને એક મહિલા સહિત બે બાળકીઓને ગંભીર ઈજા પહોંચી છે
બ્લાસ્ટના ચોક્કસ કારણ અંગે FSLની ટીમ કરશે તપાસ
જ્યારે ભેદી ધડાકાને લઈ લોકોના ટોળા ઉમટી રહ્યા છે. ઇજાગ્રસ્ત મહિલા અને બે બાળકીઓને શામળાજી સરકારી હોસ્પિટલમાં સારવાર હેઠળ છે ત્યારે બે બાળકીઓ તબિયત લથડતા અમદાવાદ રિફર કરવામાં આવી છે જ્યારે ભેદી બ્લાસ્ટના ચોક્કસ કારણ જાણવા માટે FSLની ટીમને તપાસ સોંપવામાં આવી છે.