વિશ્વભરમાં એવી અનેક રહસ્યમય જગ્યા છે, જેના રહસ્યને આજ સુધી વૈજ્ઞાનિકો ઉકેલી શક્યા નથી. આવી એક જગ્યા અમેઝનમાં વહેતી એક નદી છે. જેનુ પાણી હંમેશા ઉકળતુ રહે છે. એવુ કહેવામાં આવે છે કે જો તેના પાણીમાં ભૂલથી પણ કોઈ પડી જાય તો તેની મોત લગભગ નક્કી છે.
મહત્વનું છે કે આ નદી પેરૂમાં આવેલી છે. આ રહસ્યમય નદીની શોધ ભૂસ્તરશાસ્ત્રી આંદ્રે રૂજોએ વર્ષ 2011માં કરી હતી. આ નદીનુ નામ મયાનતુયાકુ નદી છે. જો કોઈ માણસ અથવા જીવજંતુ આ નદીના ઉકળતા પાણીમાં પડી જાય તો તેનુ મોત પણ થઇ શકે છે.
રહસ્મય રીતે ઉકળે છે આ નદીનું પાણી
આ નદીની શોધની કહાની ખૂબ રસપ્રદ છે, જે અંગે આંદ્રે રૂજોએ જણાવ્યું છે, બાળપણથી જ રૂજોએ આવી કાલ્પનિક નદીઓની કહાની સાંભળી રાખી હતી. જે તેમને આશ્ચર્યથી ભરી દેતી હતી. પરંતુ ત્યારે તેમને આ વાતનો બિલ્કુલ પણ અહેસાસ નહોતો કે આવી નદી હકીકતમાં હોય છે. એક દિવસ તેઓ અમેજનના જંગલોમાં પહોંચી ગયા. જ્યાં તેમને પોતાની કાલ્પનિક કહાની હકીકતમાં પરિણમતી જોઇ. તેમણે આખરે એવી નદીને શોધી કાઢી, જેનુ પાણી રહસ્યમય રીતે ઉકળી રહ્યું હતુ
નદીના પાણીથી બનાવી શકો છો ચા
આ નદી લગભગ 7 કિલોમીટર લાંબી છે. એક પોઈન્ટ સુધી આ નદી 80 ફૂટ સુધી પહોળી થાય છે તો એક જગ્યાએ તેની ઊંડાઈ 16 ફૂટ સુધી છે. રૂજો મુજબ, તેનુ પાણી એટલુ ગરમ છે કે તેનાથી તમે ચા પણ બનાવી શકો છો.
વૈજ્ઞાનિક પણ નથી ઉકેલી શક્યા આ રહસ્યને
આ નદીના વણઉકેલ્યા રહસ્યોને ઉકેલવા માટે વૈજ્ઞાનિકોનુ સંશોધન હજી પણ ચાલુ છે. તેમ છતા આ નદીનું પાણી હંમેશા ઉકળતુ રહે છે. આ પ્રાકૃતિક રીતે ગરમ નદી છે તેથી વૈજ્ઞાનિક તેને વિશ્વની સૌથી મોટી થર્મલ નદી માને છે. સૌથી ચોંકાવનારી વાત એ છે કે આ નદીની આજુબાજુ કોઈ જ્વાળામુખી પણ નથી.