Reliance Jio એ પોતાની MyJio એપમાં જિયો પ્રાઇમ ફ્રાઇડે નામથી એક નવું ફીચર અપડેટ કર્યું છે. આ જિયો પ્રાઇમ ફ્રાઇડ દ્વારા યૂઝર્સને ડિસ્કાઉન્ટ કૂપન્સ કોડ્સ અને પાર્ટનર સાઇટ્સ જેવી કે Paytm Shopclues McD Makemytrio અને Oyo દ્વારા ખાસ ડીલ્સ મળશે. પ્રાપ્ત અહેવાલો અનુસાર આ નવા ફીચર દ્વારા ડીલ્સ કે કૂપનનું ડાયરેક્ટ MyJio એપ પર વેચાણ નહીં થાય પરંતુ જિયો આ ડીલ્સને ઓરિજિનલ વેબસાઇટ્સથી સોર્સ કરશે.
MyJio એપમાં જિયો પ્રાઇમ ફ્રાઇડે સર્વિસ ઓફર કરવામાં આવતી સૌથી આકર્ષક ઓફરની વાત કરીએ તો અહીં Paytm દ્વારા ફ્લાઇટ ટિકિટ્સ બુક કરવા પર 1000 રૂપિયાનું કેશબેક મળી રહ્યું છે. આ કેશબેક ઓફર એક યૂઝરને એક જ વખત મળશે. જો કે આ ઓફરનો લાભ લેવા યૂઝરે ઓછામાં ઓછી 3000 રૂપિયાની ટિકિટ બુક કરવાની રહેશે. Paytm એપ પર 3000 રૂપિયાથી વધારાની ફ્લાઇટ ટિકિટ બુક કરાવવા પર ગ્રાહકોને 1000 રૂપિયાનું કેશબેક મળશે પરંતુ આ માટે KYC વેરિફાઇડ હોવુ જોઇએ. આ કેશબેક ઑફર 31 માર્ચ 2019 સુધી વેલિડ છે.
My Jioના પ્રાઇમ ફ્રાઇડે સેક્શન પર અવેલેબલ બીજી ડીલની વાત કરીએ તો Shopclues પર કેશબેક ઓફર કરવામાં આવી રહ્યો છે. આ ઓફર હેઠળ 499 રૂપિયાનું મિનિમમ શોપિંગ કરવા પર 100 રૂપિયાનું ડિસ્કાઉન્ટ મળશે. ખાસ વાત એ છે કે આ કેશબેક યૂઝરના Paytm એકાઉન્ટમાં ક્રેડિટ થશે. અગાઉની જેમ એક જ વખત યૂઝર આ ઓફરનો લાભ ઉઠાવી શકશે.
Oyo પર જઇને ગ્રાહક ‘OYOWIZARDJIOPRIME’ પ્રોમો કોડ યૂઝ કરીને ઓયો વિઝાર્ડ મેમ્બરશિપ પર 75 રૂપિયા સુધી ડિસ્કાઉન્ટ મેળવી શકશે. કોડ દ્વારા યૂઝર્સ અર્લી બર્ડ ડિસ્કાઉન્ટ તથા એક્સ્ટ્રા 50 % ડિસ્કાઉન્ટનો લાભ પણ મેળવી શકશે.
આ જાહેરાત દ્વારા Jio એક અલગ પ્રકારના માર્કેટમાં પ્રવેશ કરી રહ્યું છે. સાથે જ આ ફીચર દ્વારા Reliance Jio દ્વારા પોતાના યૂઝર્સને વધુ ડીલ્સ અને કેશબેક આપવાનો પણ પ્રયાસ હોઇ શકે છે.