ઉદારતા / 'ઉરી' ફેમ વિક્કીએ પોતાનો નેશનલ એવોર્ડ ભારતીય સેનાને કર્યો સમર્પિત

આ સિવાય સાઉથ એક્ટ્રેસ કીર્તિ સુરેશને બેસ્ટ એક્ટ્રેસનો એવોર્ડ, 'ઉરી: ધ સર્જિકલ સ્ટ્રાઇક'ના ડિરેક્ટરને આદિત્ય ધારને બેસ્ટ ડિરેક્ટરનો એવોર્ડ મળ્યો. આ એવોર્ડ્સની જાહેરાત થતા જ તમામ વિજેતાઓને સતત લોકો શુભકામનાઓ આપી રહ્યા છે.

સોશ્યલ મીડિયામાં તમામ ફેન્સ પોતાના ફેવરિટ સ્ટાર્સને શુભકામના આપી રહ્યા છે. સ્ટાર્સે પણ પોતાના નામે એવોર્ડ થત તમામનો આભાર સોશ્યલ મીડિયા પર વ્યક્ત કર્યો. તો બેસ્ટ એક્ટર બનેલા વિક્કી કૌશલે પોતાના સોશ્યલ મીડિયા પર ખુશી વ્યક્ત કરી. વિક્કીએ ઑફિશ્યલ ઇન્સ્ટાગ્રામ અને ટ્વિટર એકાઉન્ટ પરથી પરિવાર, 'ઉરી: ધ સર્જિકલ સ્ટ્રાઇક'ની ટીમનો આભાર વ્યક્ત કરતા ભારતીય સેનાને એવોર્ડ સમર્પિત કર્યો.

#NationalFilmAwards 🇮🇳🙏🏽 pic.twitter.com/Sff7oOC3kB

— Vicky Kaushal (@vickykaushal09) August 9, 2019

આ સાથે જ વિક્કીએ પોતાની સાથી વિજેતા આયુષ્માનને ફોન કરીને શુભકામનાઓ આપી હતી. આ વાતની જાણ આયુષ્માને પોતાની ઇન્સ્ટાગ્રામ સ્ટોરી પર કરી હતી. આયુષ્માને બંનેનો ફોટો સ્ટોરીમાં મૂકીને લખ્યુ કે, ''આ વ્યક્તિ હીરો છે. જેવી તેણે નેશનલ અવોર્ડમાં  પોતાની અને મારી જીતની ખબર પડી કે તરત જ તેણે ફોન કરીને અભિનંદન આપ્યા. વિક્કી યારા તારા પર ખૂબ ગર્વ છે. આટલું દયાળુ હોવા માટે તારો આભાર. ઘણો પ્રેમ.''

તો વિક્કીએ સ્ટોરીને રિપ્લાય કરતા કહ્યુ કે, ''બંને દોસ્તાર એક જ પ્યાલીમાં ચા પીશું, તેનાથી પ્રેમ વધે છે.''

વિકી કૌશલ સ્ટારર ‘ઉરી’ ફિલ્મને બીજા પણ 3 અવોર્ડ મળ્યા છે. ફિલ્મના ડિરેક્ટર આદિત્ય ધારને બેસ્ટ ડિરેક્ટરનો અવોર્ડ મળ્યો. આ સિવાય આ ફિલ્મને બેસ્ટ ઓડિયોગ્રાફી અને બેસ્ટ મ્યુઝિક ડિરેક્શનનો પણ અવોર્ડ મળ્યો છે.

'ઉરી: ધ સર્જિકલ સ્ટ્રાઇક' વર્ષ 2019ની પહેલી બ્લોકબ્સટર ફિલ્મ કહી શકાય. જણાવી દઇએ કે, આ ફિલ્મે ભારતે પાકિસ્તાન પર કરેલી સર્જિકલ સ્ટ્રાઇક પર આધારિત છે. ઉલ્લેખનીય છે કે, જ્યારે 18 સપ્ટેમ્બર 2016ના પાકિસ્તાની આતંકવાદીઓએ જમ્મૂ કાશ્મીરના ઉરી સેક્ટરમાં ભારતીય સેનાના મિલિટ્રી બેસ પર અચાનકથી હુમલો કર્યો હતો જેમાં 19 સૈનિકો શહીદ થયા હતા. 11 દિવસમાં ભારતીય સેનાએ પાકિસ્તાનમાં ધૂસીને સર્જિકલ સ્ટ્રાઇક કરી અને આતંકવાદીઓને કેમ્પને તબાહ કરી દીધા હતા. ઉરી: ધ સર્જિકલ સ્ટ્રાઇક' ફિલ્મ લગભગ 40 કરોડના બજેટમાં બની છે.