EPFOએ 6 કરોડથી વધારે લાભાર્થીઓને નવા વર્ષની ગિફ્ટ આપી છે. સરકાર તરફથી કર્મચારીઓના પીએફ ખાતામાં વ્યાજની રકમ ટ્રાન્સફર કરવાનું શરૂ કરાઈ ચૂકયું છે. કેન્દ્રીય શ્રમ અને રોજગાર મંત્રી સંતોષ ગંગવારે આ વિશે 31 ડિસેમ્બરે જાહેરાત કરી હતી. સરકારે 2019-20 માટે કર્મચારી ભવિષ્ય નિધિ ખાતા પર 8.5 ટકા વ્યાજની રકમ નાખવાની શરૂ કરી છે. તો તમારા ખાતામાં રૂપિયા આવ્યા છે કે નહીં તે આ રીતે કરો ચેક.
મોદી સરકારે નવા વર્ષ પર આપી ગિફ્ટ
PF ખાતામાં આવી ગયા છે રૂપિયા
ફટાફટ આ પ્રોસેસથી કરો ચેક
કેન્દ્રીય શ્રમ મંત્રી સંતોષ ગંગવારે કહ્યું કે મને ઈપીએફના 6 કરોડ ખાતા ધારકોને આ સૂચના આપતાં આનંદ થાય છે કે સરકારે તેમના ખાતામાં 8.5 ટકાના દરે વ્યાજની રકમ જમા કરી છે. લોકો પોતાના ખાતામાંથી આ રકમ કાઢી શકે છે. EPFO ખાતા ધારક ઘરે બેસીને પોતાનું પીએફ બેલેન્સ પણ ચેક કરી શકે છે. તેના માટે તેઓ એસએમએસ, ઓનલાઈન, મિસ્ડ કોલ અને ઉમંગ એપની મદદ લઈ શકે છે.
એસએમએસની મદદથી આ રીતે કરી શકાય છે પીએફ બેલેન્સ ચેક
જો તમારા યૂએએન નંબર ઈપીએફઓની પાસે રજિસ્ટર્ડ છે તો તમારા પીએફ બેલેન્સની જાણકારી મેસેજની મદદથી મળશે. તેને માટે તમારે 7738299899 પર EPFOHO UAN ENGલખીને મોકલવાનું રહે છે. આ માટે પીએફની જાણકારીને માટે મેસેજની મદદથી મળશે. જો તમે હિંદીમાં જાણકારી મેળવવા ઈચ્છો છો તો તમે EPFOHO UAN HIN લખીને મોકલો. પીએફ બેલેન્સ જાણવાની આ સેવા અંગ્રેજી, પંજાબી, મરાઠી, હિંદી, કન્નડ, તેલૂગૂ, તમિલ, મલયાલમ અને બંગાળીમાં મળી રહી છે. પીએફ બેલેન્સ માટે જરૂરી છે કે તમે તમારા યૂએએન, બેંક એકાઉન્ટ, પેન અને આધાર સાથે તેને લિંક કરેલું હોય. ઈપીએફઓની વેબસાઈટ પર તમારી પાસબુકમાં પણ તમે બેલેન્સ ચેક કરી શકો છો. પાસબુક જોવા માટે યૂએન નંબર જરૂરી છે.
યૂએએન વિના આ રીતે કરો પીએફ બેલેન્સ ચેક
સૌ પહેલાં Epfindia.gov.in પર ક્લિક કરો.
પછી "Click Here to Know your EPF Balance" પર ક્લિક કરો.
અહીં તમને in/epfo/ પર રીડાયરેક્ટ કરાશે. હવે તમારે “Member Balance Information” ટેબ પર ક્લિક કરવાનું છે.
તમારું રાજ્ય પસંદ કરો અને ઈપીએફઓ ઓફિસ લિંક પર ક્લિક કરો.
આ પછી તમારે તમારા પીએફ એકાઉન્ટ નંબર, નામ, રજિસ્ટર્ડ મોબાઈલ નંબરને એડ કરો.
તમારે સબમિટ પર ક્લિક કરવાનું રહેશે. ક્લિક કરતાં જ તમારું પીએફ બેલેન્સ સ્ક્રીન પર દેખાશે.
મિસ્ડ કોલની મદદથી આ રીતે ચેક કરો પીએફ બેલેન્સ
જો તમે રજિસ્ટર્ડ મોબાઈલ નંબરથી 011-22901406 પર મિસ્ડ કોલ કરી શકો છો. આ પછી ઈપીએફઓના મેસેજની મદદથી તમે પીએફની ડિટેલ્સ જાણી શકો છો. મિસ્ડ કોલની મદદથઈ પીએફ બેલેન્સ ચેક કરવા માટે તમારા યૂએએન, પેન અને આધાર લિંક હોવા જરૂરી છે.
આ રીતે ઓનલાઈન ચેક કરો બેલેન્સ
ઈપીએફઓની વેબસાઈટ પર લોગઈન કરો. હવે અહીં ઈ પાસબુક પર ક્લિક કરો. તેની પર એક પેજ passbook.epfindia.gov.in આવશે. અહીં તમે યૂઝરનું નામ, પાસવર્ડ, કેપ્ચા ભરશો. આ ડિટેલ્સ ભર્યા બાદ તમે એક અન્ય પેજ પર આવો અને અહીં મેમ્બર આઈડી પસંદ કરો. અહીં ઈ પાસબુક પર પોતાનું ઈપીએફ બેલેન્સ જાણો. આ કામ તમે ઉમંગ એપની મદદથી પણ કરી શકો છો. તેના માટે ઉમંગ એપ ખોલો અને ઈપીએફઓ પર ક્લકિ કરો. પછી વ્યૂ પાસબુક પર ક્લિક કરો. તમારો યૂએએન નંબર અને પાસવર્ડ ભરો. ઓટીપી આવશે. તેને નાંખીને તમે તમારું બેલેન્સ જાણી શકો છો.
EPF એકાઉન્ટ સાથેની તકલીફ માટે અહીં ફરિયાદ કરો
EPFO ના પીએફ મેમ્બર્સ, પેન્શનર્સ, એમ્પલોયર ‘EPF I Grievance Management System’ પર જઈને તમે ફરિયાદ કરી શકો છો. અહીં કોઈ પણ EPF ખાતાધારકને ઈપીએફ કાઢવા, ઈપીએફ ખાતાના ટ્રાન્સફર, કેવાઈસી વગેરે સાથેની ફરિયાદ છે તો તેઓ આ ગ્રીવાંસ મેનેજમેન્ટ સિસ્ટમની મદદથી ફરિયાદ કરી શકે છે. આ સિવાય તેઓ EPFOના ટ્વિટર હેન્ડલ @socialepfo પર પણ ફરિયાદ કરી શકે છે.