નરેન્દ્ર મોદીની કેબિનેટમાં નવા રેલવે મંત્રીએ એક નવી જાહેરાત કરી છે. તેમના કહ્યા મુજબ હવે તેમની ઑફિસમાં સવારે 7 વાગ્યાથી રાત્રે 12 વાગ્યા સુધી કામ થશે.
નવા રેલવે મંત્રી અશ્વિની વૈષ્ણવની જાહેરાત
ઓફિસમાં સવારે 7થી રાત્રે 12 સુધી કામ થશે
મંત્રીની ઑફિસમાં કામ કરતાં કર્મચારીઓ માટે આ નિયમ
નવા રેલવે મંત્રી અશ્વિની વૈષ્ણવની જાહેરાત
7 જુલાઇના રોજ મોદી સરકારમાં નવી કેબિનેટની રચના કરવામાં આવી, બીજા જ દિવસથી નવા નિમણૂક થયેલા મંત્રીઓએ પોતાના મંત્રાલયમાં કાર્યભાળ સંભાળ્યો. કાર્યભાળ સંભાળ્યા બાદ તેઓ બોલ્યા કે રેલવેમાં છેલ્લા 67 વર્ષોમાં ઘણું સારામાં સારું કામ થયું છે. હવે હું આ વિભાગને પ્રધાનમંત્રીના દ્રષ્ટિકોણ મુજબ આગળ લઈ જવા માટે આવ્યો છું. મંત્રી પદ સંભાળ્યા બાદ તેમણે ટ્વિટર પર પ્રધાનમંત્રી મોદીનો આભાર માન્યો. વધુમાં તેમણે કહ્યું કે "આજે કેન્દ્રીય રેલવે મંત્રી તરીકે પદ સંભાળ્યું. એક વાર હું દિલથી આ જવાબદારી આપવા બદલ PM મોદીનો આભાર માનુ છે. તેમની પહેલા પિયુષ ગોયલ કેન્દ્રીય રેલવે મંત્રી હતા.
I thank Hon’ble Prime Minister @narendramodi ji for giving me the opportunity to serve the nation as Union Minister. #Govt4Growth
— Ashwini Vaishnaw (@AshwiniVaishnaw) July 7, 2021
ઓફિસમાં સવારે 7થી રાત્રે 12 સુધી કામ થશે
આ બધા વચ્ચે તેમણે એક અલગ જ જાહેરાત કરી. ઑફિસમાં પહેલા જ દિવસે તેઓ એક્ટિવ મોડમાં જોવા મળ્યા. તેમણે એક આદેશ આપ્યો છે કે તેમની ઑફિસમાં રહેલ સ્ટાફે લગભગ રાત દિવસ કામ કરવું પડશે. આ કામ બે શિફ્ટમાં થાય છે. પહેલી શિફ્ટ સવારે 7 વાગયાથી 4 વાગ્યા સુધી અને બીજી શિફ્ટ બપોરે ત્રણ વાગ્યાથી રાતના 12 વાગ્યા સુધી ચાલશે.
Today, called on Shri @PiyushGoyal ji, Hon’ble Minister of Commerce & Industry, Consumer Affairs, Food & Public Distribution, Textiles and former Minister of Railways.
My sincere thanks to him for the brief given by him about the Railway projects in progress. pic.twitter.com/wWZFJZ0O8a
— Ashwini Vaishnaw (@AshwiniVaishnaw) July 9, 2021
મંત્રીની ઑફિસમાં કામ કરતાં કર્મચારીઓ માટે આ નિયમ
રેલવે મંત્રાલયના ADG નારાયણના કહેવા મુજબ આ આદેશ માત્ર MR સેલ એટલે કે મંત્રીની ઑફિસમાં કામ કરતાં કર્મચારીઓને જ લાગુ પડશે. આ કોઈ પણ રેલવે કર્મચારીઓને લાગુ પડશે નહીં. નારાયણે પત્રકારોને કહ્યું, રેલવે મંત્રીની બધી જ ઑફિસમાં રહેલા સ્ટાફને બે શિફ્ટમાં કામ કરવાનું કહ્યું છે.