અમદાવાદના ફતેહવાડી વિસ્તારમાં રહેતી 32 વર્ષીય મહિલા પર તેમના પતિ દ્વારા છેલ્લા ઘણા સમયથી ત્રાસ ગુજરાવમાં આવી રહ્યો છે. તે સાંભળીને તમે અચંબિત થઈ જશો. તેમજ સાસુ દ્વારા પણ મહિલા પર ત્રાસ ગુજારવામાં આવી રહ્યો હોવાથી આખરે મહિલા કંટાળીને સરખેજ પોલીસ સ્ટેશનમાં ફરિયાદ નોધાવી છે.
32 વર્ષીય મહિલાના વર્ષ 2019માં લગ્ન થયા હતા
મહિલા પોતાનું ઘર સંસાર બગડે નહીં તે માટે ત્રાસ સહન કરતી હતી
કંટાળીને સરખેજ પોલીસ સ્ટેશનમાં ફરિયાદ નોંધાવી છે
અમદાવાદ શહેરમાં પતિ અને પત્નીના અવનવા કિસ્સો પ્રકાશમાં આવતા હોય છે. ત્યારે વધુ એક અજીબોગરીબ કિસ્સો ફતેહવાડી વિસ્તારમાં બન્યો છે. ફતેહવાડી કેનાલ પાસે રહેતી મહિલાનો પતિ ખરાબ વિડીયો( બ્લ્યુ ફિલ્મ) જોઈને તેમજ કોઈ દવા ખાઈ આખી રાત સુધી શારીરિક અને માનસિક યાતના આપતો હોવાની ઘટના પ્રકાશમાં આવી છે. મહિલા કંટાળીને સરખેજ પોલીસ સ્ટેશનમાં ફરિયાદ નોંધાવી છે.
ફતેહવાડી કેનાલ પાસે રહેતી 32 વર્ષીય મહિલાના વર્ષ 2019માં લગ્ન થયા હતા. લગ્નના 25 દિવસ બાદથી જ સાસુ નાની-નાની વાતો પર પર મહિલાને ત્રાસ ગુજારવાનું શરૂ કરી દીધું હતું. મહિલાના લગ્ન બાદથી જ પતિ રાત સુધી ખરાબ વીડિયો જોતો હતો અને બાદમાં કોઇ દવા ખાઈને આખી રાત સુધી મહિલા પર શારીરિક અને માનસિક રીતે હેરાન કરતો હતો.
મહિલા પોતાનું ઘર સંસાર બગડે નહીં તે માટે ત્રાસ સહન કરતી હતી. આટલું જ નહીં પણ જે મકાનમાં મહિલા ભાડે રહેતા હતા, તે મકાન માલિક પાસે તેના દિયર ગયા હતા અને તેમને ડિપોઝિટ પરત લેવાનું કહીને મહિલાને ઘર ખાલી કરાવી દેવાનું દો આમ કહીને વારંવાર હેરાન-પરેશાન કરતો હતો. મહિલાથી વધુ ત્રાસ સહન ન થતાં તે તેના પિયર જતી રહી હતી. ત્યારબાદ મહિલાએ પોલીસ કમિશનર કચેરી, મહિલા ક્રાઇમ સેલ અને સરખેજ પોલીસ સ્ટેશનમાં સાસરિયાઓ સામે ફરિયાદ નોંધાવતા પોલીસે ગુનો નોંધી તપાસ હાથ ધરી છે.