બોલિવુડ એક્ટર સતિશ કોશિકની હત્યા થઈ હોવાનો સનસનીખેજ આરોપ એક મહિલાએ લગાવ્યો છે. હત્યારો બીજો કોઈ નહીં પરંતુ પોતાનો પતિ જ હોવાનું પણ કહ્યું છે.
બોલિવુડ એક્ટર સતિશ કોશિકની હત્યા થઈ હોવાનો મહિલાનો દાવો
દિલ્હીમાં મહિલાએ પોલીસમાં દાખલ કરાવી ફરિયાદ
કહ્યું કે 15 કરોડ ન આપતાં મારા પતિએ દવા આપીને મારી નાખ્યાં
દિલ્હીના એક બિઝનેસમેનની પત્ની હોવાનો દાવો કરતી એક મહિલાએ બોલીવૂડના જાણીતા અભિનેતા-દિગ્દર્શક સતીશ કૌશિકના મોત અંગે સનસનાટીભર્યો દાવો કર્યો છે. મહિલાનો દાવો છે કે તેના પતિએ કથિત રીતે સતીશ કૌશિકની 15 કરોડ રૂપિયાની લેવડદેવડમાં હત્યા કરી હતી, જે મારા પતિએ દુબઈમાં રોકાણ માટે કોશિક પાસેથી લીધા હતા. મહિલાએ દિલ્હી પોલીસ કમિશનર ઓફિસમાં નોંધાવેલી ફરિયાદમાં આ દાવો કર્યો છે, જેમાં આરોપ મૂકવામાં આવ્યો છે કે કૌશિક પૈસા પાછા માગી રહ્યો હતો, જે તેનો પતિ ચૂકવવા માંગતો ન હતો. તેણે આરોપ લગાવ્યો હતો કે કૌશિકની હત્યા કેટલીક દવાઓથી કરવામાં આવી હતી, જે તેના પતિ લાવ્યો હતો.
દુબઈમાં મારા પતિ અને કોશિક વચ્ચે થઈ હતી બોલાચાલી
મહિલાએ દાવો કર્યો હતો કે 23 ઓગસ્ટ, 2022ના રોજ, કૌશિક દુબઈમાં તેમના ઘરે આવ્યો હતો અને તેના પતિ પાસેથી 15 કરોડ રૂપિયાની માંગ કરી હતી. મહિલાએ ફરિયાદમાં જણાવ્યું હતું કે, "હું ડ્રોઇંગ રૂમમાં હાજર હતી, જ્યાં કૌશિક અને મારા પતિ બંને વચ્ચે બોલાચાલી થઈ હતી. કૌશિક કહી રહ્યો હતો કે તેને પૈસાની સખત જરૂર છે અને તેણે મારા પતિને રોકાણના હેતુસર 15 કરોડ આપ્યાને ત્રણ વર્ષ થયા છે. કૌશિકે એમ પણ કહ્યું હતું કે ન તો કોઈ રોકાણ કરવામાં આવ્યું હતું કે ન તો તેના પૈસા પાછા આપવામાં આવ્યા હતા, જેના માટે તેને છેતરાયાની લાગણી થઈ હતી.
મહિલાએ શેર કરી પાર્ટીની તસવીર
મહિલાએ બિઝનેસમેન અને કૌશિકનો દુબઈની એક પાર્ટીમાં લીધેલો ફોટોગ્રાફ પણ શેર કર્યો હતો, જેમાં તેણે આરોપ લગાવ્યો હતો કે આ પાર્ટીમાં અંડરવર્લ્ડ ડોન દાઉદ ઇબ્રાહિમનો પુત્ર પણ હાજર હતો. ફરિયાદમાં એમ પણ કહેવામાં આવ્યું છે કે તેનો પતિ વિવિધ પ્રકારના ડ્રગનો વેપાર કરે છે. મારા પતિએ કૌશિકને વચન આપ્યું હતું કે તે જલ્દીથી પૈસા ચૂકવી દેશે. જ્યારે મેં મારા પતિને પૂછ્યું કે આ મામલો શું છે, ત્યારે તેમણે કહ્યું કે કોવિડ રોગચાળા દરમિયાન તેણે કૌશિકના પૈસા ગુમાવ્યા હતા. મારા પતિએ કહ્યું કે તે કૌશિકથી છૂટકારો મેળવવાની યોજના બનાવી રહ્યો છે. ફરિયાદ મુજબ 24 ઓગસ્ટ 2022ના રોજ બિઝનેસમેને કૌશિક સાથે પૈસાને લઈને ઉગ્ર બોલાચાલી કરી હતી. મહિલાએ દાવો કર્યો હતો કે તેના પતિએ કૌશિકને કહ્યું હતું કે આ પેમેન્ટ થઈ ચૂક્યું છે, તેથી તેના કોઈ પુરાવા નથી, પરંતુ તે તેને ચૂકવવા માટે તૈયાર છે, જેના માટે તેને સમયની જરૂર હતી.
મારા પતિએ સતિશ કોશિકને દવા આપીને મારી નાખ્યાં
મહિલાએ આગળ કહ્યું કે આ પછી મેં કૌશિકને મારા પતિને કહેતા સાંભળ્યા કે તેણે તેને પ્રોમિસરી નોટ આપી છે. હવે મેં કૌશિકના મૃત્યુના સમાચાર વાંચ્યા. મને સખત શંકા છે કે મારા પતિએ જ તેના સાથીઓ સાથે મળીને કાવતરું ઘડ્યું હતું અને કૌશિકને ડ્રગ આપીને મારી નાખ્યો હતો જેથી તેને પૈસા પાછા ન આપવા પડે.
દિલ્હી ફાર્મહાઉસમાંથી પોલીસને મળી વાંધાજનક દવાઓ
ઉલ્લેખનીય છે કે સતીશ કોશિક દિલ્હીમાં જે મિત્રના ફાર્મહાઉસમાં હોળીની પાર્ટી માટે ગયાં હતા ત્યાંથી પોલીસને કેટલીક વાંધાજનક દવાઓ મળી આવી છે હાલમાં જેની તપાસ ચાલુ છે.