30 સપ્ટેમ્બરનો દિવસે બે મોટી ફિલ્મો વિક્રમ વેધા અને પોનીયન સેલ્વન એકસાથે સિનેમાઘરોમાં રિલીઝ થશે. આ ટક્કર પર હાલ જ હૃતિક રોશને પ્રતિક્રિયા આપી હતી.
વિક્રમ વેધા અને પોનીયન સેલ્વન એકસાથે રિલીઝ થશે
બંને ફિલ્મની ટક્કર પર હૃતિક રોશને પ્રતિક્રિયા આપી હતી
ટક્કર પર વિક્રમ વેધાના ડિરેક્ટરે કહી આ વાત
સિનેમા લવર્સ માટે 30 સપ્ટેમ્બરનો દિવસ ઘણો ખાસ હશે કારણ કે એ દિવસે બે મોટી ફિલ્મો વિક્રમ વેધા અને પોનીયન સેલ્વન એકસાથે સિનેમાઘરોમાં રિલીઝ થશે.બંને ફિલ્મોને લઈને ચાહકોમાં જબરદસ્ત ક્રેઝ જોવા મળી રહ્યો છે. કઈ ફિલ્મ કોના પર ભારે પડશે એ જોવા માટે લોકો ઘણા ઉત્સાહિત છે. વિક્રમ વેધા અને પોનીયન સેલ્વનની ટક્કર પર હાલ જ હૃતિક રોશને પ્રતિક્રિયા આપી હતી.
શું બોલ્યા હૃતિક રોશન
જણાવી દઈએ કે પોનીયન સેલ્વન એ મણિ રત્નમનો ડ્રીમ પ્રોજેક્ટ છે અને આ ફિલ્મ ક્લાસિક તમિલ નવલકથા પોનીયન સેલ્વનના પહેલા 6 પ્રકરણો પર આધારિત છે. હાલ જ જ્યારે વિક્રમ વેધાની ટીમને પોનીયન સેલ્વન સાથેની તેમની ટક્કર વિશે પૂછવામાં આવ્યું હતું ત્યારે હૃતિક રોશને આ વિશે પ્રતિક્રિયા આપતા કહ્યું હતું કે તેનું સંપૂર્ણ ધ્યાન ફક્ત તેની ફિલ્મ પર છે આટલું જ નહીં પણ એમને એમ પણ કહ્યું હતું કે તેને ક્લાસિક તમિલ નવલકથા વાંચી નથી એટલે એ બસ તેની જ ફિલ્મ પર ધ્યાન કેન્દ્રિત કરશે. હૃતિક રોશનની આ પ્રતિક્રિયા પછી સૈફ અલી ખાને ફેન્સને બંને ફિલ્મો જોવાની વિનંતી કરી હતી.
ટક્કર પર વિક્રમ વેધાના ડિરેક્ટરે કહી આ વાત
'વિક્રમ વેધા'ના ડિરેક્ટર પુષ્કર-ગાયત્રીએ પોનીયન સેલ્વન સાથેની ટક્કર અંગે પોતાનો અભિપ્રાય આપતા કહ્યું હતું કે પોનીયન સેલ્વન એક ઉત્તમ ટેક્સ્ટ છે. અમે અમારું કામ કર્યું છે અને તેઓએ તેમનું કામ કર્યું છે. આશા કરી છીએ કે લોકો બંને ફિલ્મો જોશે. હું પણ એ ફિલ્મ ચોક્કસ જોઈશ.
બંને ફિલ્મો વિશે જણાવી દઈએ કે
હૃતિક અને સૈફની ફિલ્મ 'વિક્રમ વેધા' તમિલ ફિલ્મની હિન્દી રિમેક છે. વર્ષ 2017 રિલીઝ થયેલ એ ફિલ્મમાં આર માધવન અને વિજય સેતુપતિ મુખ્ય ભૂમિકામાં જોવા મળ્યા હતા. 'વિક્રમ વેધા'ની વાર્તા એક પોલીસ ઓફિસર વિક્રમ (સૈફ અલી ખાન) અને ખતરનાક ગેંગસ્ટર વેધા (રિતિક રોશન) વિશે છે. બીજી તરફ ફિલ્મ પોનીયન સેલ્વનની વાત કરી તો એ ચોલા સામ્રાજ્યના સુવર્ણ ઇતિહાસને દર્શાવતી સમગ્ર ભારતની ફિલ્મ છે.