આ વાયરલ વીડિયોમાં ટીચર તેના ક્લાસમાં બાળકને ઠપકો આપે છે અને એ પછી બાળક રડતા-રડતા ગુસ્સામાં શિક્ષકને ધમકી આપે છે.
ટીચરના ઠપકા પછી નાના બાળકે આપી ધમકી
સોશ્યલ મીડિયામાં ફની વિડીયો થયો વાયરલ
રડતાં રડતાં તે બાળક કહે છે કે 'ગોળી મારી દેશે.'
સોશિયલ મીડિયા પર ઘણા નાના બાળકોના ફની વીડિયોથી જોવા મળે છે અને અવારનવાર નાના બાળકોના નવા-નવા ફની વીડિયો વાયરલ થતા રહે છે. ઘણા વિડીયોમાં નાના બાળકોનું ટેલેન્ટ બધાને ચોંકાવી જાય છે તો ઘણા બાળકોની હરકતો લોકોને હસાવી જાય છે. જણાવી દઈએ કે હાલમાં જ એક બાળક ક્લાસ ટીચરને કિસ કરી હોય એવો ફની વીડિયો વાયરલ થયો હતો અને એ પછી હાલ આવો બીજો એક વીડિયો ફરી વાયરલ થયો છે. જો કે આ વીડિયોમાં ટીચર તેના ક્લાસમાં બાળકને ઠપકો આપે છે અને એ પછી બાળક રડતા-રડતા ગુસ્સામાં શિક્ષકને ધમકી આપે છે. હાલ આ વીડિયો ખૂબ જ ઝડપથી સોશ્યલ મીડિયામાં વાયરલ થઈ રહ્યો છે.
આ વાયરલ વિડીયોમાં તમે જોઈ શકો છો કે ટીચરનો ઠપકો આપ્યા પછી એક બાળક રડવા લાગે છે અને રડતાં રડતાં એ શિક્ષકને કહી રહ્યો છે કે 'મારા પિતા પોલીસમાં છે.' તો તેના જવાબમાં ટીચર કહે છે કે 'તો શું?' તો રડતાં રડતાં તે બાળક કહે છે કે 'ગોળી મારી દેશે.' તો ફરી શિક્ષક કહે છે કે 'કોને?' જવાબમાં બાળક બોલે છે કે 'તમને'. આ બધા પછી શિક્ષક એ બાળકને પૂછે છે, 'શું તને ભણવું નથી ગમતું?' એ પછી બાળકનો જવાબ સાંભળીને તમે પણ આશ્ચર્યચકિત થઈ જશો અને સાથે હસું પણ આવશે.'