આપવીતી / 'મારી દિકરી અચાનક ઘરે આવીને રડવા લાગી, કહ્યું શિક્ષક બીજા માળે લઈ જઈ..' રાજકોટમાં લંપટ શિક્ષકની કાળી કરતૂત ઉઘાડી પડી

• રાજકોટ- ધો-7 ની વિધાર્થિની સાથે શિક્ષકે કર્યા અડપલાં
• ડી.કે. સ્કુલમાં શિક્ષણ સાગર વાઢેર નામના શિક્ષકે કર્યા અડપલા
• બી ડિવીઝન પોલીસ સ્ટેશનમાં શિક્ષક વિરુદ્ધ પોલીસ ફરિયાદ નોંધાઇ 

 રાજકોટમાં મોરબી રોડ ઉપર આવેલ ડી.કે. સ્કૂલમાં ધો.7 ની વિદ્યાર્થીની સાથે સ્કૂલના જ શિક્ષક દ્વારા અડપલા કર્યા હતા. જે અંગેની જાણ વિદ્યાર્થીનીએ તેની માતાને કરી હતી. ત્યારે રાજકોટ બી ડીવીઝન પોલીસ ગુનો નોંધી આગળની કાર્યવાહિ હાથ ધરી છે.

વિદ્યાર્થીનીએ સઘળી વિગત તેની માતાને જણાવી
આ બાબતે વિદ્યાર્થીનીની માતાએ જણાવ્યું હતું કે મારી દિકરી જ્યારે ઘરે આવી ત્યારે અચાનક તે રડવા લાગી હતી. ત્યારે મેં તેને રડવાનું કારણ પૂછતા તેણે સઘળી વિગતો જણાવી હતી. જેમાં સ્કૂલના શિક્ષક સાગર વાઢેર દ્વારા યુવતિને બીજા માળે લઈ જઈ તેની સાથે અડપલા કર્યા હતા.

શિક્ષક હાલ લોકઅપમાં છેઃશાળાના આચાર્ય
આ બાબતે શાળાના આચાર્યએ જણાવ્યું હતું કે ધો.7 માં એક બાળકી ભણે છે.  બાળકીના માતા-પિતાના આ બાબતે જાણ થતા તરત જ અમને કોલ આવ્યો. ત્યારે આ બાબતની જાણ થતા અમે તરત જ પોલીસને બોલીવી લીધી હતી. અને સાગર વઢેર નામનો વ્યક્તિ અમારે ત્યાં જ સર્વિસ કરે છે. આ બાબતે અમને જાણ થતા અમે ફરિયાદ નોંધાવી દીધી હતી અને શિક્ષક હાલ લોકઅપમાં છે.