નિર્ભયા રેપ કેસ / કોર્ટના આદેશ બાદ ખુશીના આંસુ સાથે નિર્ભયાના માતાએ કહ્યું, મારી દીકરીને...

• નિર્ભયા ગેંગરેપ કેસના આરોપીઓને સજા-એ-મોતનું એલાન
• નિર્ભયાની માતા તથા દોષિતની માતા કોર્ટમાં જ રડી પડ્યા 
• 2012માં બની હતી આ ઘટના 

ઉલ્લેખનીય છે કે, નિર્ભયા ગેંગરેપના દોષિતોનું ડેથ વૉરન્ટ જાહેર કરી દેવામાં આવ્યું છે. નિર્ભયા ગેંગ રેપ કેસના ચારેય દોષિતોને 22 જાન્યુઆરીએ સવારે 7 વાગ્યે ફાંસી આપવામાં આવશે. આ દરમિયાન જો ચારેય દોષિત ઇચ્છે તો ક્યૂરેટિવ પિટિશન અથવા દયા અરજી દાખલ કરી શકે છે. કોર્ટમાં કેસની સુનાવણી દરમિયાન વીડિયો કોન્ફરન્સિંગ રૂમ બંધ કરી દેવામાં આવ્યો હતો. મીડિયાને વીડિયો કોન્ફરન્સિંગ રુમમાં જવાની મંજૂરી આપવામાં આવી નહોતી. 

સુનાવણી દરમિયાન નિર્ભયાના માતા અને દોષિતના માતા કોર્ટમાં જ રડી પડ્યા 

સુનાવણી દરમિયાન નિર્ભયાના માતા અને દોષિત મુકેશની માતા કોર્ટમાં જ રડી પડ્યા હતા. નિર્ભયા મામલામાં ચારેય દોષિતો અક્ષય, મુકેશ, વિનય અને પવનને પહેલા જ ફાંસીની સજા આપવામાં આવી ચૂકી છે. 

Asha Devi, mother of 2012 Delhi gang-rape victim: My daughter has got justice. Execution of the 4 convicts will empower the women of the country. This decision will strengthen the trust of people in the judicial system. pic.twitter.com/oz1V5ql8Im

— ANI (@ANI) January 7, 2020

સુપ્રીમ કોર્ટે અગાઉ દોષિતોને આપેલો ક્યુરેટિવ પિટિશનનો સમય પૂર્ણ થયો છે. કોર્ટના ચૂકાદા પર સૌ કોઈની નજર મંડરાયેલી છે. કોર્ટના આદેશને અનુસરવા માટે તિહાર જેલમાં ચારેય આરોપીઓની ફાંસીની તૈયારીઓ માટે 25 લાખ રૂપિયાના ખર્ચે તખ્તો તૈયાર કરાયો છે.

તિહાર જેલમાં કરાઈ છે આ વ્યવસ્થા

તિહાર જેલમાં લગભગ 25 લાખ રૂપિયાના ખર્ચે એક નવો તખ્તો તૈયાર કરવામાં આવ્યો છે. કોર્ટનો આદેશ આવતાં જ એકસાથે ચારેય આરોપીઓને ફાંસી આપવામાં આવશે. જેલમાં જે જૂનો તખ્તો હતો તેમાં 2 લોકોને ફાંસી આપવાની વ્યવસ્થા હતી. આ સિવાય એક પ્લેટફોર્મ તૈયાર કરવામાં આવ્યું છે. જેલ અધિકારીએ જણાવ્યું છે કે તેમની તરફથી તમામ તૈયારીઓ થઈ ચૂકી છે. કોર્ટના આદેશની રાહ જોવાઈ રહી છે. 

શું છે નિર્ભયા કેસ?

16 ડીસેમ્બર 2012ની ઘટનામાં દિલ્હીમાં ફિઝીયોથેરાપિસ્ટ યુવતી સાથે ગેંગરેપ થયો હતો. આ યુવતી મિત્ર સાથે ફિલ્મ જોઈને પાછી ફરી રહી હતી. આ ગેંગરેપ  
ચાલતી બસે કરવામાં આવ્યો હતો. ગેંગરેપ બાદ યુવતી સાથે બર્બરતા આચરવામાં આવી હતી અને આ ઘટનાના સમગ્ર દેશમાં પડઘા પડ્યા હતા. જો કે, લાંબી સારવાર દરમિયાન જ 29 ડીસેમ્બરના રોજ સિંગાપુરમાં યુવતીનું મોત નિપજતા દેશભરમાં એક આક્રોશનું વાતાવરણ જોવા મળ્યું હતું.