ભ્રષ્ટાચાર / CM નીતિશ કુમાર, મંત્રી અને DM સહિત 14 સામે કોર્ટમાં ફરિયાદ, બનાવટી વોટર લિસ્ટ તૈયાર કરી જીત મેળ્યાનો આક્ષેપ

• નીતિશ કુમાર પર દાખલ ફરિયાદથી રાજનીતિક હલચલ મચી
• 14 લોકોની વિરુદ્ધ પણ ફરિયાજ દાખલ કરવામાં આવી
•  બનાવટી વોટર લિસ્ટ તૈયાર કરવાનો આરોપ

14 લોકોની વિરુદ્ધ પણ ફરિયાજ દાખલ કરવામાં આવી

આ ફરિયાદમાં મુખ્યમંત્રીની સાથે સાથે પંચાયતી રાજ મંત્રી સમ્રાટ ચૌધરી, ચૂંટણી કમિશનર દીપક પ્રસાદ  અને ચૂંટણી પંચના સચિવ યોગેન્દ્ર રામને પણ આરોપી બનાવવામાં આવ્યા છે. આ ઉપરાંત મુજફ્ફરપુર જિલ્લા અધિકારી પ્રણવ કુમાર, પંચાયતી રાજ પદાધિકારી ફૈયાજ અખ્તર, પારુ પ્રખંડના બીડીઓ સહિત 14 લોકોની વિરુદ્ધ પણ ફરિયાજ દાખલ કરવામાં આવી છે.

 બનાવટી વોટર લિસ્ટ તૈયાર કરવાનો આરોપ

આ મામલો પંચાયતની ચૂંટણીને ધ્યાનમાં રાખી બનાવટી વોટર લિસ્ટ તૈયાર કરવાનો છે. આ કારણથી પારુના ચક્કી સુહાગપુર ગ્રામ પંચાયતના સરપંચ મમતા દેવીને અભિયુક્ત બનાવવામાં આવ્યા છે. ઉત્તર બિહાર સર્વેલન્સ કોર્ટમાં આ કેસ આઈપીસીની કલમ  409, 420, 467, 468, 477a, 120 બી , 34 તથા ભ્રષ્ટાચાર અધિનિયની કલમ હેઠળ દાખલ કરવામાં આવ્યો છે. આના પર 4 માર્ચે સુનવણી કરવામાં આવશે. આ તમામ આરોપીઓ પર મુખી મમતા દેવીની સાથે મિલીભગત કરી બનાવટી વોટર લિસ્ટ તૈયાર કરવાનો આરોપ લગાવાયો છે.

આ રીતે બનાવટી વોટર લિસ્ટ તૈયાર કરી પોતાની જીત સુનિશ્ચિત કરી

વકીલ જયચંદ્ર સહનીએ જણાવ્યું કે પારુના ચક્કી સોહાગપુરના સામાજિત કાર્યકર્તા ચંદન સહનીએ આ ફરિયાદ દાખલ કરાવી છે. ચંદન સહનીનો આરોપ છે કે વર્તમાન સરપંચ મમતા દેવી અને તેમના પતિ સુરેશ સિંહે મળીને બીજા ક્ષેત્રમાં મતદાતાઓને ચક્કી સુહાગપુર પંચાયતના મતદાતા ગણાવતા વોટર લિસ્ટમાં તેમનું નામ દાખલ કરાવ્યું છે. આ રીતે બનાવટી વોટર લિસ્ટ તૈયાર કરી પોતાની જીત સુનિશ્ચિત કરવા માટે સરપંચ મમતા દેવીએ ષડયંત્ર રચ્યુ છે. 

નીતિશ કુમાર પર દાખલ ફરિયાદથી રાજનીતિક હલચલ મચી

ચંદન સહનીએ આ તમામ અધિકારીઓની સાથે સાથે મુખ્યમંત્રીને ફરિયાદ પત્ર મોકલ્યો છે. પરંતુ કોઈ પણ સ્તર પર કોઈ કાર્યવાહી કરવામાં આવી નથી. હારની ચંદન સહનીએ ન્યાયાલયની વાટ પકડી છે. ભ્રષ્ટાચારના મામલામાં મુખ્યમંત્રી નીતિશ કુમાર પર દાખલ ફરિયાદથી રાજનીતિક હલચલ મચી છે.