પ્રતિક્રિયા / અકસ્માતમાં શ્રમિકોના મોત : અખિલેશે કહ્યું, વંદે ભારત મિશનમાં શું દેશની ગરીબ જનતા નથી આવતી?

• મુજફ્ફરનગર દુર્ઘટનામાં 6 મજુરોના મોત
• અખિલેશ યાદવે ટ્વીટ કરી સરકારને ઘેરી
• અખિલેશે કહ્યું વંદે ભારત મિશનમાં ગરીબ લોકો નથી આવતા

અખિલેશ યાદવે લખ્યું કે પહેલા ટ્રેન અને હવે બસ અકસ્માત, મજૂરોનું જીવન કેમ આટલું સસ્તું છે. સપા નેતાએ લખ્યું છે કે વંદે ભારત મિશનમાં શું દેશની ગરીબ જનતા નથી આવી શકતી. એટલુ ઉંચુ પણ ન ઉડવું જોઈએ કે જમીનના સત્યની અવગણના થઈ જાય.

उप्र के मुजफ्फरनगर बस हादसे में प्रवासी मज़दूरों की दर्दनाक मौत पर गहरा दुख. श्रद्धांजलि!

पहले ट्रेन और अब बस हादसा, मज़दूरों की ज़िंदगी इतनी सस्ती क्यों. ‘वंदे भारत मिशन’ में क्या देश की गरीब जनता नहीं आ सकती. इतना ऊपर भी उड़ना ठीक नहीं कि ज़मीन की सच्चाई की उपेक्षा हो जाए.

— Akhilesh Yadav (@yadavakhilesh) May 14, 2020

ઉલ્લેખનીય છે કે ઉત્તરપ્રદેશના મુઝફ્ફરનગરમાં એક રોડવેઝ બસએ મજૂરોને કચડી નાખ્યાં. બુધવારે મોડી રાત્રે સહારનપુર રોડ પર બનેલી આ ઘટનામાં 6 મજૂરોનું ઘટનાસ્થળે જ મોત નીપજ્યું હતું. જ્યારે 2 ઘાયલ થયા હતા. બધા મજૂરો બિહાર પોતાના ઘરે પાછા જઇ રહ્યા હતા.

અખિલેશ યાદવે જે વંદે ઈન્ડિયા મિશનની વાત કરી છે તે તેનું નામ છે જે અંતર્ગત વિદેશમાં ફસાયેલા ભારતીયોને ખાસ વિમાનો દ્વારા પાછા લાવવામાં આવી રહ્યા છે.

આ પહેલા પણ મજુરો સાથે આવી અનેક ઘટનાઓ બની છે, જેમણે બધાને હચમચાવી નાખ્યા છે. ગુરુવારે, જ્યારે મુઝફ્ફરનગરમાં આ અકસ્માત થયો હતો, ત્યારે મધ્યપ્રદેશના ગુનામાં મજૂરોથી ભરેલી બસનો અકસ્માત થયો હતો. જેમાં આઠ મજૂરોએ જીવ ગુમાવ્યો હતો અને ઘણા ઘાયલ થયા હતા.

સ્થળાંતર મજૂરોના વિષય પર વિપક્ષ દ્વારા કેન્દ્ર સરકાર સતત ઘેરાયેલી રહી છે. હજારો મજૂરો આજે સડકો પર તેમના ઘરેથી પગપાળા જઇ રહ્યા છે, આ દરમિયાન શ્રમિક ટ્રેનની વ્યવસ્થા કરવામાં આવી છે તેમાં ફક્ત તેઓને જ  જવા મળે છે. જેની સૂચિ જે તે રાજ્ય સરકારો શેર કરી રહી છે. .