તમારા કામનું / Mutual Fundમાં રોકાણ કરતા પહેલા આ વાતોનું રાખો ખાસ ધ્યાન, એક ભુલ કરાવી શકે છે મોટુ નુકસાન

• રોકાણ કરતા ન કરો આ ભૂલો 
• મ્યુચ્યુઅલ ફંડમાં રોકાણ પહેલા ધ્યાન રાખો આ વાતો 
• નહીં તો ભોગવવું પડી શકે મોટુ નુકસાન 

કહેવાય છે કે જીવનમાં જેટલું કમાવવાનું મહત્વ છે તેટલું જ સેવિંગનું પણ છે. આજકાલના સમયમાં કમાણીની સાથે સાથે તેનું યોગ્ય જગ્યા પર રોકાણ કરવું પણ જરૂરી છે. સમયની સાથે રોકાણની રીતોમાં પણ ખૂબ ફેરફાર આવી ગયો છે. એક સમય હતો જ્યારે લોકો ફક્ત એલઆઈસી પોલિસી, પોસ્ટ ઓફિસ, બેન્ક એફડી અથવા શેર માર્કેટમાં રોકાણ કરતા હતા પરંતુ હવે પાછલા અમુક વર્ષોમાં મ્યુચ્યુઅલ ફંડમાં રોકાણને લઈન ક્રેઝ વધી ગયો છે. 

છેલ્લા 10થી 15 વર્ષમાં મ્યુચ્યુઅલ ફંડમાં લોકોએ ખૂબ રોકાણ કર્યું છે. તેનું સૌથી મોટુ કારણ છે કે મ્યુચ્યુઅલ ફંડ સૌથી ઓછા જોખમ વાળા રોકાણના ઓપ્શનમાંથી એક છે. તેની સાથે જ આ એક સારૂ રિટર્ન પણ આપે છે. પરંતુ કોઈ પણ પ્રકારનું રોકાણ કર્યા પહેલા તેની વિશે ડિટેલમાં માહિતી મેળવવી ખૂબ જરૂરી છે. ઘણી વખત લોકો રોકાણ કરતી વખતે મહત્વની વાતો પર ધ્યાન નથી આપતા. જેના કારણે બાદમાં તેમને મુશ્કેલી ઉઠાવવી પડે છે. એવામાં અમે તમને અમુક કોમન ભૂલો વિશે જણાવીએ જેને લોકો મ્યુચ્યુઅલ ફંડમાં રોકાણ કરતી વખતે કરે છે,

રોકાણમાં ઉતાવળ ન કરો
કોઈપણ પ્રકારનું રોકાણ કરતી વખતે ખાસ ધ્યાન રાખો કે ઉતાવળ કરવાથી તમને મોટું નુકસાન થઈ શકે છે. મ્યુચ્યુઅલ ફંડ બજારના જોખમોને આધીન છે. આવી સ્થિતિમાં રોકાણ કરતી વખતે ધ્યાનમાં રાખો કે તેમાં લાંબા સમય સુધી રોકાણ કરો. નિષ્ણાતોના મતે, મ્યુચ્યુઅલ ફંડમાં રોકાણ કરતી વખતે, તમારે ઓછામાં ઓછા 5 થી 7 વર્ષના રોકાણના વિકલ્પો પસંદ કરવા જોઈએ. આ તમને ભવિષ્યમાં વધુ સારું વળતર આપવામાં મદદ કરે છે.

મંદીના કારણે SIP બંધ ન કરશો 
માર્કેટમાં હંમેશા ઉતાર-ચઢાવ આવતા હોય છે. આવી સ્થિતિમાં, રોકાણના થોડા દિવસો પછી બજારની મંદી જોઈને ઘણી વખત રોકાણકારો નર્વસ થઈ જાય છે. આ પછી તે પોતાની SIP બંધ કરી દે છે. આવી ભૂલ ન કરો અને બજાર ઉપર જવાની રાહ જુઓ. ધ્યાનમાં રાખો કે મ્યુચ્યુઅલ ફંડ લાંબા રોકાણ પછી જ તમને વધુ સારું વળતર આપવામાં મદદ કરશે. છેલ્લા કેટલાક વર્ષોમાં, મ્યુચ્યુઅલ ફંડના મિડ અને સ્મોલ કેપમાં લોકોને 23 અને 17 ટકાનું વળતર મળ્યું છે.

આવી સ્થિતિમાં, લોકો આ રોકાણ વિકલ્પોમાં મોટી સંખ્યામાં રોકાણ કરે છે, જેને લોકોએ ટાળવું જોઈએ. તમારે બજારની સ્થિતિ જોઈને જ મિડ અને સ્મોલ કેપમાં રોકાણ કરવાનો નિર્ણય લેવો જોઈએ. આ સાથે જ માર્કેટની યોગ્ય સમજ રાખીને જ રોકાણ કરો.