મ્યુચ્યુઅલ ફંડ / દર મહિને રૂપિયા 9 લાખનું મળશે રિટર્ન, જાણો કેટલું કરવું પડશે માસિક રોકાણ

• SIP લોકપ્રિય રોકાણના સાધનોમાંથી એક
• મ્યુચ્યુઅલ ફંડ દર મહિને મોટી રકમ જમા કરાવવાની આપે છે મંજૂરી 
• મ્યુચ્યુઅલ ફંડ રોકાણ માર્કેટના જોખમને આધીન

માસિક રોકાણને વધારવાની સલાહ આપી

નિષ્ણાંતો મુજબ, લાંબા સમયગાળા માટે મ્યુચ્યુઅલ ફંડ એસઆઈપી રોકાણ એક રોકાણકારને વ્યાજ પર વ્યાજ પ્રાપ્ત કરવા માટે કમ્પાઉન્ડિંગ લાભ પ્રાપ્ત કરવાની મંજૂરી આપે છે. જે કોઈના પૈસા પર રિટર્નને મહત્તમ કરવામાં મદદ કરે છે. જોકે, તેમણે રોકાણકારોને એસઆઈપીમાં વાર્ષિક સ્ટેપ-અપનો ઉપયોગ કરી પોતાના માસિક રોકાણને વધારવાની સલાહ આપી. તેમણે કહ્યું કે માસિક એસઆઈપીમાં વાર્ષિક વધારાથી રોકાણકારને નિવૃત્તિ બાદ વધુ નાણાંકીય સ્વતંત્રતા પ્રાપ્ત કરવામાં મદદ મળે છે.

મ્યુચ્યુઅલ ફંડ રિટર્ન કૈલ્કયુલેટર

નિષ્ણાંત મુજબ, જો કોઈ રોકાણકાર 30 વર્ષ માટે મ્યુચ્યુઅલ ફંડ એસઆઈપીમાં દર મહિને 10,000 રૂપિયાનું રોકાણ કરે છે. તો રોકાણકાર મેચ્યોરિટી સમયે લગભગ 12.7 કરોડ રૂપિયા જમા કરી શકે છે. ફક્ત રોકાણકારે 10 ટકા એન્યુઅલ સ્ટેપ-અપનો ઉપયોગ કર્યો હોવો જોઈએ.

મ્યુચ્યુઅલ ફંડ રોકાણ માર્કેટના જોખમને આધીન

નિષ્ણાંતોનું માનવુ છે કે મ્યુચ્યુઅલ ફંડ રોકાણ માર્કેટના જોખમને આધીન છે, પરંતુ લાંબા સમયગાળામાં આ માર્કેટમાં જોખમ ઓછું થઇ શકે છે અને ઉચ્ચ રિટર્નની સંભાવના ખૂબ વધી જાય છે. તેથી જો કોઈ રોકાણકાર મ્યુચ્યુઅલ ફંડ એસઆઈપી રોકાણનો વિકલ્પ પસંદ કરે છે તો રોકાણકાર નાની રકમથી શરૂ કરી શકે છે અને લાંબા સમયગાળામાં મોટી રકમ જમા કરી શકે છે. પરંતુ કોઈને માસિક એસઆઈપી રકમમાં એન્યુઅલ સ્ટેપ-અપનો ઉપયોગ કરી પોતાની વાર્ષિક આવકમાં વધારાની સાથે પોતાના માસિક એસઆઈપીમાં વધારો કરવો જોઈએ.

કેટલું મળી શકે છે રિટર્ન

લાંબા સમયગાળાનું રોકાણ જેમકે 30 વર્ષ અથવા તેનાથી વધુ, ઓછામાં ઓછું 12 ટકા વાર્ષિક રિટર્નની અપેક્ષા રાખી શકે છે. જે 16 ટકા અથવા 17 ટકા સુધી પણ હોઇ શકે છે. સરેરાશ 30 વર્ષના લાંબા સમયગાળા માટે મ્યુચ્યુઅલ ફંડ એસઆઈપી રોકાણ પર લગભગ 15 ટકા રિટર્નની અપેક્ષા રાખી શકાય છે. ફક્ત યોજનાને યોગ્ય રીતે પસંદ કરવામાં આવી હોવી જોઈએ.

પાકતી મુદ્દતે 12.70 કરોડ રૂપિયા મળી શકે છે

માસિક એસઆઈપી પર 15 ટકા રિટર્નની ધારણા રાખીને જો કોઈ રોકાણકાર 10 ટકા એન્યુઅલ સ્ટેપ અપનો ઉપયોગ કરીને દર મહિને 10,000 રૂપિયાનું રોકાણ કરવાનુ શરૂ કરી દે છે અને તેઓ 30 વર્ષો સુધી રોકાણ કરવાનું ચાલુ રાખે છે તો એસઆઈપી કેલ્ક્યુલેટર મુજબ પાકતી મુદ્દત વખતે રોકાણકારને 12.70 કરોડ રૂપિયા મળી શકે છે.