અવસાન / મુથૂટ ગ્રુપના ચેરમેનનું નિધન : મોતના કારણ મુદ્દે પોલીસે આપ્યું મોટું નિવેદન

• મુથુટ ફાઇનાન્સના કંપનીના ચેરમેનનું નિધન
• છત પરથી પડી જતા થયું નિધન
• પોલીસ તપાસમાં કોઈ હત્યા કે આત્મહત્યાના કોઈ પૂરાવા મળ્યા નહીં 

પોલીસે તપાસ શરૂ કરી

મુથૂટ ગ્રુપના ચેરમેન એમજી જોર્જનું ઘરના ચોથા માળથી નીચે પડવાના કારણે મોત નીપજ્યું છે. પોલીસે જણાવ્યું કે ઘટના શુક્રવાર રાતની છે. સાઉથ ઈસ્ટના ડેપ્યુટી કમિશનર આરપી મીણાએ કહ્યું કે શુક્રવારે રાત્રે પોલીસને સૂચના મળી હતી કે જોર્જ પોતાના ઘરમાં જ ચોથા માળથી નીચે પડી ગયા છે. 

દિલ્લી ખાતેના નિવાસસ્થાને છત પરથી પડી જતા નિધન

મીણાએ કહ્યું કે એક ટીમ તાત્કાલિક ઘટનાસ્થળ પર પહોંચી હતી અને જોર્જને ફોર્ટિસ હોસ્પિટલ લઈ જવામાં આવ્યા. સારવાર દરમિયાન તેમનું મોત નીપજ્યું હતું. શનિવારે એમ્સમાં તેમનું પોસ્ટમોર્ટમ કરવામાં આવ્યું છે અને વધુ તપાસ હાથ ધરવામાં આવી રહી છે તથા નિવેદનો પણ લેવામાં આવ્યા છે. સીસીટીવી કેમેરા પણ ચેક કરવામાં આવ્યા છે જે બાદ મોત પાછળ કોઈ પણ ષડયંત્ર હોવાના કોઈ પૂરાવા મળ્યા નથી. 

72 વર્ષિય જ્યોર્જ ઘણા સમયથી બિમાર હતા

72 વર્ષીય જોર્જ ઘણા દિવસથી બીમાર હતા. મુથૂટ ફાયનાન્સ ભારતની સૌથી મોટી ગોલ્ડ લોન ગેર-બેન્કિંગ ફાયનાન્સ કંપની (NBFC)ઓમાંથી એક છે. કંપનીના ચેરમેન હોવાના નાતે કંપનીને શિખર સુધી લઈ જવામાં તેમની મહત્વપૂર્ણ ભૂમિકા રહી છે. કંપનીની મુખ્ય ઓફિસ કોચ્ચીમાં છે અને તેઓ ઘણા લાંબા સમયથી દિલ્હીમાં જ રહેતા હતા. 

એમજી જોર્જના નેતૃત્વમાં મુથૂટ ગ્રુપ કંપની ભારતની સૌથી મોટી સોનાનું વિત્તપોષણ કરતી કંપની બની ગઈ. તેમના જ નેતૃત્વમાં દુનિયાભરમાં કંપનીની 5500થી વધારે શાખાઓ બની. વર્ષ 2020માં સૌથી ધનિક લોકોની યાદીમાં જોર્જ મુથૂટ 26માં ક્રમે રહ્યા હતા અને ફોર્બ્સ એશિયા મેગેઝીન અનુસાર તેઓ સૌથી અમીર મલયાલી હતા. તેઓ લાંબા સમયથી દિલ્હીમાં જ નિવાસ કરી રહ્યા હતા. 

(PHOTO : ANI FILE)