કોરોના વાયરસ વિશ્વભરમાં તાંડવ મચાવી રહ્યું છે, વાયરસે અત્યારે સુધીમાં 75 લાખથી પણ વધુ લોકોને પોતાની ઝપેટમાં લીધા છે ત્યારે અમુક જ શહેરમાં કોરોના વાયરસનો કહેર વધારે કેમ જોવા મળી રહ્યો છે તેના પર શોધ દરમિયાન વૈજ્ઞાનિકો સામે ચોંકાવનારી વિગતો સામે આવી છે.
વુહાન કરતા દસ ગણો વધુ ખતરનાક છે અમેરિકા-બ્રિટનનો કોરોના વાયરસ
કોરોના વાયરસનાં આ વર્ઝનને D614G નામ આપવામાં આવ્યું
D614G કોરોના વાયરસમાં સ્પાઈકસ પ્રોટીનની માત્રા વધારે
કોવિડ19ના એક મ્યુટેશન પરથી ખબર પડી છે કે તે અન્ય કોરોના વાયરસથી દસ ગણો વધારે ભયાનક હોઈ શકે છે. અમેરિકાની સ્ક્રિપ્સ રિસર્ચ ઇન્સ્ટીટયુટ દ્વારા કરવામાં આવેલ એક અહેવાલમાં દાવો કરવામાં આવ્યો છે. ડેલી મેલનાં એક અહેવાલ અનુસાર સ્ક્રિપ્સ રિસર્ચ ઇન્સ્ટીટયુટની એક શોધમાં સંકેત મળ્યા છે કે અમેરિકા, બ્રિટન અને ઇટલીમાં કોરોના વાયરસના જે મ્યુટેશન જોવા મળ્યા છે તે વુહાનનાં કોરોના વાયરસ કરતા 10 ગણા વધુ સંક્રમણ ફેલાવી શકે તેવા છે.
વૈજ્ઞાનિકોએ દાવો કરતા કહ્યું કે આ કોરોના વાયરસ શરીરનાં અંગો પર ખૂબ ઝડપથી એટેક કરે છે. કોરોના વાયરસનાં આ વર્ઝનને D614G નામ આપવામાં આવ્યું છે. વૈજ્ઞાનિકોના ધડાકામાં વધુ એક બાબત સામે આવી છે જેમાં કહેવામાં આવ્યું છે કે આ વાયરસમાં અન્ય વાયરસ કરતા ચારથી પાંચ ગણું વધુ સ્પાઈકસ પ્રોટીન છે.
નોધનીય છે કે કોરોના વાયરસ વિશ્વભરમાં તાંડવ મચાવી રહ્યું છે એવામાં વૈજ્ઞાનિકોના મનમાં જીજ્ઞાસા જાગી કે કોરોના વાયરસ કેમ અમુક શહેરમાં વધુ કહેર વર્તાવી રહ્યો છે અને અમુક શહેરોમાં તેની અસર ઓછી કેમ છે. જેની શોધ દરમિયાન આ ચોંકાવનારી બાબતો સામે આવી છે. વૈજ્ઞાનિકોના દાવા અનુસાર કોરોના વાયરસનું D614G વર્ઝન વધુ ખતરનાક આને સ્થિર પણ છે.
નોંધનીય છે કે કોરોના વાયરસનાં કારણે વિશ્વભરમાં 75 લાખથી વધુ લોકો સંક્રમિત થયા છે અને ઇટલી, બ્રિટન અને ન્યૂયોર્ક જેવા શહેરોઅમ કોરોના વાયરસનાં કારણે સૌથી વધારે લોકોએ પોતાના જીવ ગુમાવ્યા છે ત્યારે રિસર્ચમાં પહેલા પણ એવું સામે આવ્યું હતું કે આ જગ્યાઓ પર કોરોના વાયરસનાં D614G વર્ઝનઆ સ્ટ્રેન છે.