ફાયદાકારક / ઠંડીમાં નાના-મોટાં સૌ ખાઈ લેજો આ 7 હેલ્ધી વસ્તુઓ, બીમારીઓ આસપાસ પણ નહીં ફરકે

• શિયાળામાં ખાઈ લો આ સુપરફૂડ્સ
• શરીરને ગરમાવો આપે છે આ વસ્તુઓ
• બીમારીઓથી બચાવવામાં કરશે મદદ

શક્કરિયા

આ ઘણાં પોષકતત્વો ધરાવતા કંદમૂળ છે. તેમાં ફાઈબર અને કાર્બોહાઈડ્રેટ રહેલા હોય છે. તેમાં વિટામીન એ અને સી અને મેગ્નેશિયમ અને કોપર જેવા ખનીજ પણ રહેલા હોય છે. તમે શક્કરિયાની જેમ બટાકા પણ ખાઈ શકો છો. તેમાં પણ વિટામીન એ, કાર્બ્સ અને ફાઈબર રહેલા છે.

પાલક

લીલા શાકભાજી આમ પણ શિયાળામાં વધુ ફાયદાકારક હોય છે કારણ કે તેમાં એન્ટિઓક્સિડન્ટ રહેલા હોય છે. તે સાથે તેમાં આર્યન અને કેલ્શિયમ પણ રહેલા હોય છે.

રાઈના 

રાઈ તમારા શરીરને ગરમ રાખે છે. તેનાથી પાચનક્રિયાને મદદ મળે છે. તેમાં ભરપૂર માત્રામાં મેગ્નેશિયમ, આર્યન, મેગેનિઝ અને કોપર રહેલા હોય છે.

મગફળી

મગફળીમાં એન્ટિઓક્સિડન્ટ રહેલાં હોય છે. આનાથી આપણા શરીર તંત્રને ગરમી મળે છે. તેમાં વિટામીન ઈ અને બી3 રહેલા હોય છે.

બાજરી-જવાર

બાજરી અને જવાર શિયાળા દરમિયાન ઘણા ઉપયોગી ખોરાક છે. બાજરી અને જુવાર કેલ્શિયમનુ શોષણ કરીને સ્નાયુઓના કોશોને ઘડે છે.

ફિશ

ફિશમાં વિટામીન ડી મળી રહે છે. એ સિવાય તેમાં ઓમેગા 3 ફેટ હોય છે જે તમારા મૂડને વારેઘડીએ બદલતો અટકાવે છે.

દાડમ

દાડમમાં સારા પ્રમાણમાં પોલિફિનોલ્સ હોય છે જે પાવરફૂલ એન્ટિઓક્સિડન્ટ છે. તેમાં કેલ્શિયમ અને ફોસ્ફરસ રહેલા છે.