હિજાબ વિવાદ / કર્ણાટકનો મામલો મહારાષ્ટ્ર સુધી પહોંચ્યો, હિજાબ પહેરીને સેંકડો મહિલાઓને કર્યું ઉગ્ર આંદોલન, ધારા 144 લાગૂ

• કર્ણાટકનો હિજાબ વિવાદ મહારાષ્ટ્ર સુધી પહોંચ્યો
• માલેગાંવ સુધી પહોંચ્યો વિવાદ
• કલમ 144 લાગૂ કરી

કર્ણાટકમાં હિજાબ વિવાદને લઈને દેશના અલગ અલગ ભાગોમાં મુસ્લિમ સમુદાય તરફથી પ્રદર્શન થઈ રહ્યા છે. પ્રદર્શનની આંચ હવે મહારાષ્ટ્રના માલેગાંવ સુધી પહોંચી ગઈ છે. અહીં જમીયત ઉલેમાએ ભીડ એકઠી કરીને કર્ણાટક ભાજપની સરકાર વિરુદ્ધ પ્રદર્શનો કર્યા હતા. સાથે જ હિજાબ દિવસ મનાવાની પણ જાહેરાત કરી હતી. વિરોધ પ્રદર્શન જોતા મહારાષ્ટ્રના ગૃહમંત્રી દિલીપ પાટિલે તમામને શાંતિની અપીલ કરી હતી.

બુલઢાણા, બીડ અને માલેગાંવમાં કલમ 144 લાગૂ

માલેગાંવમાં હિજાબ પહેરવાના સમર્થનમાં કાલે ભારે સંખ્યામાં લોકો એકઠા થયા હતા અને કર્ણાટક સરકાર વિરુદ્ધ પ્રદર્શન કર્યું હતું. આજે કર્ણાટકમાં એક મૌલાનાએ નાસિક જિલ્લાના માલેગાંવમાં હિજાબ દિવસ મનાવવાની જાહેરાત કરી હતી. પ્રાપ્ત વિગતો અનુસાર જોઈએ તો, બુલઢાણા, બીડ અને માલેગાંવમાં કલમ 144 લગાવી હતી.

હિજાબ દિવસ તરીકે ઉજવવામાં આવશે

મૌલાના મુફ્તીએ જાણકારી આપી છે કે, માલેગાંવમાં હિજાબ દિવસ તરીકે મનાવામાં આવશે. સાથે જ આજે મહિલાઓ બુરખો પહેરશે. તેમણે કહ્યું કે, ભારતમાં દરેક ધર્મને પોતાના રીતિ-રિવાજો મુજબ રહેવાની આઝાદી છે. મુસ્લિમ વિદ્યાર્થીઓ પોતાના ધર્મ અને રીતિ-રિવાજોના હિસાબે હિજાબ પહેરે છે. પોતાના શરીરને ઢાંકીને ચાલે  છે. તેનો વિરોધ કરવાનું કારણ શું છે, તે સમજની બહાર છે. 

શાંતિ જાળવવા અપીલ- પાટિલ

ગૃહમંત્રી પાટિલે કહ્યું કે, પોલીસ તમામ ઘટનાઓ પર નજર રાખી રહી છે. હિજાબને લઈને મહારાષ્ટ્રના અલગ અલગ ભાગોમાં આંદોલન શરૂ થઈ ગયા છે. તમામ પોલીસ વિભાગ એલર્ટ પર રહેવાની સૂચના આપી દેવામાં આવી છે. તમામને શાંતિ જાળવવા માટે અપીલ કરી છે. મસ્જીદ ધર્મગુરૂઓને લોકોને શાંતિ જાળવી રાખવામાં મદદ કરવા પણ જણાવ્યું છે.