ચૂંટણી / મુસ્લિમ વોટ છુટવાનો ડર, કેજરીવાલે કહ્યું- છેલ્લા સમયે કોંગ્રેસ તરફ શિફ્ટ થયા

કેજરીવાલે કહ્યું કે, અમે આ મામલે તપાસ કરી રહ્યા છે. તમામે તમામ મુસ્લિમ વોટ કે જે કોંગ્રેસને શિફ્ટ થયા તે તપાસ કરી રહ્યા છે. ઉલ્લેખનીય છે કે, ગત 12 મેના રોજ દિલ્લીમાં સાતેય સીટ પર મતદાન યોજાયું હતું. દિલ્લીમાં 60.52 ટકા મતદાન થયું હતું. દિલ્લીની ઉત્તર પૂર્વ દિલ્લી લોકસભા બેઠક પર સૌથી વધુ વોટિંગ થયુ હતુ.

અરવિંદ કેજરીવાલના આ વિવાદીત નિવેદન બાદ દિલ્હીના પૂર્વ મુખ્યંમત્રી શીલા દીક્ષિતે પણ પ્રતિક્રિયા આપી. શીલા દીક્ષિતે કહ્યું કે ખબર નહીં પરંતુ તે (અરવિંદ કેજરીવાલ) શું કહેવા માંગે છે. જેને પણ તે વોટ આપવા માંગતા હતા. તેને વોટ આપવાનો અધિકાર છે. દિલ્હીવાસીઓ કેજરીવાલના શાસન મોડલને ન તો સમજી શકતા હતા અને ન પસંદ કરતા હતા. 

Sheila Dikshit on Delhi CM's reported remark 'Muslim votes shifted to Congress in Delhi at last moment': Don't know what is he trying to say. Everyone has a right to vote whichever party he/she wants to vote. People of Delhi did not understand nor liked his governance model pic.twitter.com/SNDuOpr2s0

— ANI (@ANI) May 18, 2019

અરવિંદ કેજરીવાલના આ નિવેદન પર કુમાર વિશ્વાસે કહ્યું કે એટલે કે આ વખતે EVM જગ્યાએ મુસ્લિમ. આ પહેલા ચૂંટણીમાં હાર બાદ આમ આદમી પાર્ટીમાં ઇવીએમનો મુદ્દો ઉઠ્યો હતો. આપ નેતા સૌરભ ભારતદ્વાજે વિધાનસભામાં જણાવ્યું હતું કે કેવી રીતે ઇવીએમ હેક કરી શકાય છે.    

દિલ્હીમાં વોટિંગના બે દિવસ બાદ આપ પાર્ટીના નેતા રાજેન્દ્ર પાલ ગૌતમે લોકસભા ચૂંટણીમાં કન્ફ્યૂઝ થવાની વાત કરી હતી. એમણે કહ્યું હતું કે દિલ્હીની તમામ સાત લોકસભા સીટો પર આપ પાર્ટીને જીત મેળવવાની આશા રાખવામાં આવી રહી છે, પરંતુ મુસ્લિમ મતદારોએ કન્ફ્યૂઝનમાં વોટ નાંખ્યો. જેના કારણે કેટલાક મત કોંગ્રેસ તરફ શિફ્ટ થયા.  
આપને જણાવીએ કે દિલ્હીની સાત લોકસભા સીટો પર રવિવારે 12 મે છઠ્ઠા ચરણનું મતદાન યોજાયું હતું. જેમા કુલ 60.52 ટકા રેકોર્ડ મતદાન કરવામાં આવ્યું હતું. દિલ્હીની સાત લોકસભા સીટોમાં ઉત્તરી-પૂર્વી દિલ્હી લોકસભા સીટ પર સૌથી વધારે વોટિંગ થયું. અહીં 63.39 ટકા લોકોએ મતદાન કર્યું.