યૌન શૌષણ પર ફિલ્મ / કેરળ સ્ટોરી બાદ હવે 'Ajmer 1992' વિવાદમાં, 250 છોકરીઓના બ્લેકમેલ-રેપની સાચી ઘટના પર બની છે ફિલ્મ

• 14 જુલાઈએ રિલિઝ થનારી ફિલ્મ 'Ajmer 1992' વિવાદમાં
• મુસ્લિમ સંગઠનોએ પ્રતિબંધિત કરવાની કરી માગ
• રાજસ્થાનના અજમેરમાં 1992ની બ્લેકમેલ-રેપની સાચી ઘટના ઉજાગર કરે છે 

પઠાણ, ધી કેરળ સ્ટોરીની લાઈનમાં હવે  'Ajmer 1992' ફિલ્મ પણ આવી છે. મુસ્લિમ સંગઠનોએ આ ફિલ્મ પર તાત્કાલિક અસરથી પ્રતિબંધ મૂકવાની માગ કરી રહ્યાં છે. 14 જુલાઈએ રિલિઝ થનારી ફિલ્મ 'Ajmer 1992' રાજસ્થાનના અજમેરમાં 1992ની સાલમાં 250થી વધુ યુવાન છોકરીઓના બ્લેકમેલ અને રેપની સાચી ઘટના પર આધારિત છે. મુસ્લિમ સંગઠનોનું કહેવું છે કે આ ફિલ્મ એક વિશેષ વર્ગના લોકોને ટાર્ગેટ બનાવી રહી છે. ણા મુસ્લિમ સંગઠનોએ તેની પર પ્રતિબંધ મૂકવાની માંગ કરી છે.  

‘AJMER 92’ TO RELEASE ON 14 JULY… A #RelianceEntertainment presentation, #Ajmer92 will release in *cinemas* on 14 July 2023… Stars #KaranVerma, #SumitSingh, #SayajiShinde and #ManojJoshi… Directed by #PushpendraSingh… Produced by #UmeshKumarTiwari. pic.twitter.com/ddKnAedh6D

— taran adarsh (@taran_adarsh) May 26, 2023

સમાજમાં વિખવાદ પેદા થશે- જમિયત પ્રમુખ મૌલાના મહમૂદ મદની
જમિયત ઉલેમા-એ-હિંદનું કહેવું છે કે આ ફિલ્મ કથિત રીતે એક ખાસ લઘુમતી સમુદાયને નિશાન બનાવે છે. જમિયતના પ્રમુખ મૌલાના મહમૂદ મદનીએ કહ્યું છે કે, અજમેર શરીફ દરગાહને બદનામ કરવા માટે બનેલી ફિલ્મ પર તાત્કાલિક પ્રતિબંધ મૂકવો જોઈએ. ગુનાહિત ઘટનાઓને ધર્મ સાથે જોડવાને બદલે ગુનાઓ સામે એકજૂથ કાર્યવાહીની જરૂર છે. આ ફિલ્મ સમાજમાં વિખવાદ પેદા કરાવશે. તેમણે વધુમાં જણાવ્યું હતું કે, "અજમેર શહેરમાં જે રીતે ગુનાહિત ઘટનાઓ સામે આવી રહી છે તે સમગ્ર સમાજ માટે ઘૃણાસ્પદ કૃત્ય છે. અભિવ્યક્તિની સ્વતંત્રતા એ વરદાનની સાથે લોકશાહીની તાકાત છે. પરંતુ તેની આડમાં દેશને તોડી પાડતા વિચારોને પ્રોત્સાહન ન આપી શકાય. 

ફિલ્મનો પ્લોટ 1992ની સાચી ઘટના પર આધારિત છે 
પુષ્પેન્દ્ર સિંહ દ્વારા નિર્દેશિત આ ફિલ્મમાં ઝરીના વહાબ, સયાજી શિંદે, મનોજ જોશી અને રાજેશ શર્મા મુખ્ય ભૂમિકા ભજવી રહ્યાં છે. અજમેર-92 ફિલ્મ એક વાસ્તવિક ઘટના પર આધારિત હોવાનું કહેવાય છે. આ વાસ્તવિક ઘટનામાં 250 થી વધુ યુવતીઓને બ્લેકમેલ કરીને બળાત્કાર કરવામાં આવ્યો હતો. આ કૌભાંડ ઘણા વર્ષો સુધી ચાલ્યું હતું પરંતુ આખરે તેની ક્રાઈમ કૂંડળી પરથી પરદો ઉંચકાઈ ગયો અને 1992માં જાહેર થતાં હડકંપ મચ્યો હતો. પીડિતોમાં મોટાભાગની શાળામાં જતી છોકરીઓ હતી, અને કથિત રીતે ઘણી છોકરીઓએ આપઘાતનો પ્રયાસ પણ કર્યો હતો. 

Ajmer Sex Scandal 1992
250+ Hindu girls raped and blackmailed and forces to marry Mohammedans..
Do read this heart wrenching story
Media Beeches won't ever talk about it https://t.co/ZdiEGFb7T1

— Ritu #सत्यसाधक (@RituRathaur) January 17, 2022

 સ્કૂલની છોકરીને ફસાવીને નગ્ન ફોટા પાડતાથી સાથે શરુ થયું હતું સેક્સ કૌભાંડ 
ઉલ્લેખનીય છે કે 1992ના આ કેસમાં અજમેર દરગાહના કેરટેકર્સ સહિત કેટલાક નેતાઓના નામ પણ સામે આવ્યા હતા. આ કૌભાંડ ત્યારે શરૂ થયું જ્યારે અજમેરમાં એક સ્કૂલની છોકરીને ફસાવીને તેના નગ્ન ફોટા ક્લિક કરવામાં આવ્યા. બાદમાં તેણીને બ્લેકમેલ કરીને શોષણ કરવામાં આવ્યું હતું. ત્યાર બાદ પછી એક એવું વિષચક્ર રચાયું કે જેમાં ઘણી છોકરીઓ ફસાઈને બર્બાદ થઈ હતી. અજમેરની આ સત્ય હકીકત પર અજમેર-91 નામની ફિલ્મ બનાવાઈ છે.  ન્યૂઝ