કોમી એક્તા / નિકાહના કાર્ડ પર જોવા મળી એવી તસ્વીરો કે નફરત ફેલાવનારાને લાગશે ઝટકો

• એક તરફ ગણેશ બીજી તરફ ચાંદ મુબારક
• આ કાર્ડના સોશિયલ મીડિયા પર થઈ રહ્યાં છે વખાણ
• અગાઉ નિમંત્રણ કાર્ડમાં ભગવાન રામનો ફોટો છપાવ્યો હતો

લગ્નનું આ કાર્ડ વાયરલ થઈ રહ્યું છે

એક મુસ્લિમ વ્યક્તિએ પોતાની દીકરીનાં લગ્નનું એવું કાર્ડ  તૈયાર કરાવ્યું છે જે સોશિયલ મીડિયામાં વાયરલ થઈ રહ્યું છે. તેમણે દીકરીના લગ્નના કાર્ડમાં ગણેશ, રાધા કૃષ્ણનો ફોટો છપાયો છે.  સોશિયલ મીડિયામાં આ કાર્ડના ખૂબ વખાણ થઈ રહ્યાં છે.

એક તરફ ગણેશ બીજી તરફ ચાંદ મુબારક

આ સુંદર પહેલ મેરઠના  હસ્તિનાપુરમાં બની છે.  હસ્તિનાપુરમાં રહેનારા મોહમ્મદ સરાફતે પોતાની દીકરીના નિકાહ માટેના ઈન્વિટેશન કાર્ડ પર હિંદુઓના ભગવાન ગણેશ અને રાધા-કૃષ્ણના ફોટો લગાવ્યા છે. નિયંત્રણ કાર્ડ પર એક તરફ ભગવાન ગણેશ દેખાઈ રહ્યાં છે તો બીજી તરફ ચાંદ મુબારક પણ છપાયેલું છે. 

અંદર ગણેશની સાથે રાધા કૃષ્ણ બનેલા છે

મોહમ્મદ સરાફતની દીકરીના નિરાહ 4 માર્ચના રોજ થવાના છે. નિકાહ માટે સરાફતે બે પ્રકારના નિમંત્રણ પત્ર છપાવ્યાં છે. એક નિમંત્રણ હિંદુ મહેમાનોને આપવા માટે છે. તેના પર ગણેશનો ફોટો છાપ્યો છે. ત્યારે અંદર ગણેશની સાથે રાધા કૃષ્ણ બનેલા છે. મુસલમાનોને આપવામાં આવનારા ઈન્વિટેશન કાર્ડ પર ચાંદ મુબારક બનાવેલું છે.
 
આજ સુંદરતા છે આપણા ભારતની 

મોહમ્મદ સરાફતની આ પહેલથી સોશિયલ મીડિયા ઘણું પ્રભાવિત થયું છે અને આનંદ જોવા મળી રહ્યો છે. આ કાર્ડને સોશિયલ મીડિયામાં શેર કરતા લોકો લખી રહ્યાં છે કે આજ સુંદરતા છે આપણા ભારતની અને કેટલાક લોકો આની જ ઈર્ષા કરે છે અને લોકો દેશને ભડકે બાળે છે.

અગાઉ નિમંત્રણ કાર્ડમાં ભગવાન રામનો ફોટો છપાવ્યો હતો

ઉલ્લેખનીય છે કે અગાઉ ઉત્તર પ્રદેશના સુલ્તાનપુર જિલ્લામાં સલીમ નામના એક વ્યક્તિએ પોતાની દીકરીના નિકાહના નિમંત્રણ કાર્ડમાં ભગવાન રામનો ફોટો છપાવ્યો હતો. નિકાહનું કાર્ડ હિંદુઓના લગ્ન કાર્ડ જેવું જ છે. કાર્ડ પર કળશ બનાવેલો હતો. દીવા , આરતીની થાળી પણ રાખી હતી. આ કાર્ડના લોકોએ ખૂબ વખાણ કર્યા હતા.