ટ્વિટર થોડાક જ સમયમાં એક નવું ફિચર ફરીથી લોકો સમક્ષ મુકવા જઈ રહ્યું છે. ત્યારે આ ફીચરમાં સંસ્થાની ઓળખ કરવામાંની મંજુરી મળશે કે ક્યાં ટ્વિટર એકાઉન્ટ સાથે તમે જોડાયેલા છો.
ટ્વિટર થોડાક જ સમયમાં એક નવું ફિચર લોકો સમક્ષ મુકરા જઈ રહ્યું છે
નવા ફિચરમાં સંસ્થાની ઓળખ કરવાની મંજુરી મળશે કે તમે ક્યા એકાઉન્ટ સાથે જોડાયેલ છો
મસ્કે હજુ આ સુવિધા વિશે જાણકારી આપી નથી
ટ્વિટર થોડાક જ સમયમાં એક નવું ફિચર ફરીથી લોકો સમક્ષ મુકવા જઈ રહ્યું છે. ત્યારે આ ફીચરમાં સંસ્થાની ઓળખ કરવામાંની મંજુરી મળશે કે ક્યાં ટ્વિટર એકાઉન્ટ સાથે તમે જોડાયેલા છો. એલન મસ્કે રવિવારે જાહેરાત કરી હતી. મસ્કે સાથે સાથે એવું પણ કહ્યું હતું કે સંસ્થાને ટ્વિટર પ્રમાણિત કરશે.
સંસ્થાન કોને માનવામાં આવશે?
આ જાહેરાત બાદ એક ટ્વિટર ઉપયોગકર્તાએ પૂછ્યું કે ઉપયોગ કર્તા બનાવી શકશે અથવા ટ્વિટર નક્કી કરશે કે સંસ્થા શું છે? જવાબ આપતા એલન મસ્કે કહ્યું કે મને લાગે છે કે ટ્વિટર માટે અંતિમ મધ્યસ્થી બનવા સિવાય બીજો કોઈ વિકલ્પ નથી. પરંતું હું લોકોના સૂચન માટે તૈયાર છું.
નોકરી બદલી હોય તો તે અંગે જાણ કરવાની જરૂર નથી
મસ્કએ અન્ય વપરાશકર્તાને કહ્યું કે સંસ્થાઓ જોડાણોનું સંચાલન કરવામાં સક્ષમ હશે, તેથી જો કોઈ કર્મચારી નોકરી બદલે છે, તો તેને સૂચિત કરવાની જરૂર રહેશે નહીં. ઑક્ટોબર 27 ના રોજ ટ્વિટરનો હવાલો સંભાળ્યો ત્યારથી, એલોન મસ્ક નકલી એકાઉન્ટ્સને દૂર કરવાના માર્ગો શોધી રહ્યા છે. એટલા માટે તે આ નવું ફીચર રોલઆઉટ કરવા જઈ રહ્યો છે.
સુવિધા વિશે ઘણું જાહેર કર્યું નથી
મસ્કએ હજી સુધી આ સુવિધા વિશે ઘણું જાહેર કર્યું નથી, પરંતુ આ સુવિધા ગયા અઠવાડિયે પ્લેટફોર્મની સમસ્યાઓનો આંશિક જવાબ છે. તાજેતરમાં જ્યારે કંપનીએ તેનું નવું $8 પ્રતિ માસ ટ્વિટર બ્લુ સબ્સ્ક્રિપ્શન શરૂ કર્યું, ત્યારે ટ્રોલ્સે સેલિબ્રિટી અને બ્રાન્ડ્સના નામે એકાઉન્ટ બનાવીને બ્લુ બેજ છીનવી લીધો. નકલી એકાઉન્ટમાંથી કરાયેલી ટ્વીટને કારણે ફાર્મા કંપનીના શેરમાં 4%નો ઘટાડો થયો હતો.
સેવા આગામી સપ્તાહના અંત સુધીમાં સેવા શરૂ થશે
હાલમાં, ટ્વિટરે તેની બ્લુ સબસ્ક્રિપ્શન સેવાને હાલ પુરતી શરૂ ન કરવાનું નક્કી કર્યું છે. બ્લુ ટિકની ચકાસણી કર્યા બાદ જ દુરુપયોગના અનેક મામલા પ્રકાશમાં આવ્યા બાદ આવું કરવામાં આવ્યું છે. જો કે, મસ્કે આગામી સપ્તાહના અંત સુધીમાં સેવા ફરી શરૂ કરવાની જાહેરાત કરી છે.
ટ્વિટર બ્લુ ની કિંમત 7.99 ડોલર
ટ્વિટર બ્લુને કેટલાક દેશોમાં $7.99 (લગભગ 650 રૂપિયા) ની કિંમતે શરૂ કરવામાં આવ્યું છે. જ્યારે આ સર્વિસને શરૂ કરવામાં આવી હતી ત્યારે એલન મસ્કે વાયદો કર્યો હતો કે બીજા દેશોમાં આ સેવાની એ દેશમાં કેટલી ખરીદ શક્તિ છે તે અનુસાર શરૂ કરવામાં આવશે. હાલમાં ભારતમાં કેટલાક ટ્વિટર યુઝર્સને 10 નવેમ્બરની રાતથી બ્લુ ટિક સેવાને શરૂ કરવા માટે એપલ એપ સ્ટોર પર પોપ-અપ મળ્યું હશે જેમાં 719 રૂપિયાની કિંમત કહેવામાં આવી છે.