મુંબઇઃ સિંગર મીકા સિંહના ઘરમં થયેલી ચોરીના મામલે પોલીસે એક શખ્સની ધરપકડ કરી છે. દિલ્હી પોલીસે વિકાસપુરીમાંથી આરોપી અંકિત વસનની ધરપકડ કરી છે. અંકિત છેલ્લાં પંદર વર્ષથી મીકા સિંહ સાથે સ્ટુડિયોમાં એડીટર તરીકે કામ કરતો હતો. ગત 29મી જુલાઈએ મીકાસિંહના ઘરે ચોરી થઈ હતી અને તેની ફરિયાદ ઓશીવારા પોલીસ સ્ટેશનમાં નોંધાઈ હતી.
તો પોલીસે આરોપી પાસેથી 69 હજાર અમેરિકન ડોલર સહિત રૂ. 50 હજાર રોકડા જપ્ત કર્યા છે. તો આ સિવાય મીકા સિંહના ઘરમાંથી ચોરી કરેલી મ્યુઝિક સોફ્ટવેરની સીડી પણ જપ્ત કરવામાં આવી છે. પ્રાપ્ત વિગતો મુજબ આરોપી અંકિત પહેલાં પણ મીકા સિંહના ઘરમાં કિંમતી ચોરી કરતો હતો.
જ્યારે મીકાને ચોરીની આ હરકતની નોટિસ કરી ત્યારે અંકિત ફરાર થઇ ગયો હતો. 2 દિવસ સુધી મુંબઇમાં છુપાયા બાદ 31 જુલાઇના રોજ દિલ્હી ભાગી ગયો હતો જ્યાંથી દિલ્હી પોલીસે વિકાસપુરીમાંથી ઝડપી લીધો હતો. અંકિત દિલ્હીના ઉત્તમનગરનો રહેવાસી છે.