કહેવાય છે કે, જિંદગીનો કોઇ ભરોસો ના થાય અને ગમે ત્યારે સમય બદલાઇ જાય. એવું જ કંઇક થયું અમિતાભ બચ્ચનની ફિલ્મ 'અજૂબા' અને હિટ ફિલ્મો તમસ, અંકુર, મંથનમાં મ્યૂઝિક આપનારા ડિરેક્ટર વનરાજ ભાટિયાની સાથે, જેઓ આજે ખરાબ સમયમાંથી પસાર થઇ રહ્યા છે. વનરાજ ભાટિયા ખરાબ આર્થિક પરિસ્થિતિનો સામનો કરી રહ્યા છે.
92 વર્ષીય વનરાજ ભાટિયા પાસે બેંકમાં હાલમાં એક પણ રૂપિયા નથી અને તેઓ આર્થિક તંગીની સાથે સાથે તેમનું સ્વાસ્થ્ય પણ ઠીક નથી.
રિપોર્ટ પ્રમાણે, તેમની પાસે મેડિકલ ચેકઅપ કરાવવાના પૈસા ના હોવાથી તેમને કોઈ ગંભીર બીમારી છે કે નહીં, તે ખ્યાલ નથી. જોકે, તેમને ઘુંટણમાં ઘણો જ દુખાવો રહે છે. જેને કારણે તે એક રૂમમાંથી બીજા રૂમમાં પણ જાતે જઈ શકતા નથી.
એક ન્યૂઝ પેપર સાથેની વાતચીતમાં વનરાજે કહ્યું હતું કે ''તેમની પાસે પૈસા નથી અને તેમના બેંક એકાઉન્ટમાં એક રૂપિયો પણ નથી અને ગંભીર બિમારીઓનો સામનો કરી રહ્યા છે.''
વનરાજના મિત્રો તથા ચાહકોએ તેમના મેડિકલ ખર્ચ માટે હવે ડોનેશન લેવાની શરૂઆત કરી છે. જોકે, આ અંગે વનરાજને કોઈ જ માહિતી નથી. જે ઘરમાં વનરાજ રહે છે, તેની દેખરેખ પણ ડોનેશનના પૈસાથી જ થઈ રહી છે. એટલે કે ડોનેશનની મદદથી જેટલા રૂપિયા મળે છે, તે વનરાજ ભાટિયાનો ખર્ચ ઉઠાવવા માટે પૂરતા નથી. ઘરના ખર્ચને પહોંચી વળવા માટે તેમના ઘરની બ્રિટિશ સમયની ક્રોકરી વેચવા કાઢી છે.
વનરાજ ભાટિયા મુંબઈમાં નેપિયન સી રોડ પર આવેલા પોતાના ઘરમાં નોકરની સાથે રહે છે, તેમનો નોકર સુજીત છેલ્લા 10 વર્ષથી વનરાજનું ધ્યાન રાખે છે.
તમને જણાવી દઇએ કે, વનરાજ ભાટિયાએ ઘણી હિંદી ફિલ્મોમાં સંગીત આપ્યુ છે. તેમની ફિલ્મ તમસ, અંકુર, મંથન, ભૂમિકા, મંડી અને જુનૂન જેવી ફિલ્મોમાં મ્યૂઝિક આપ્યુ છે. નેશનલ એવોર્ડ, પદ્મશ્રીની સાથે તેમણે 1989માં સંગીત નાટક એકેડમી એવોર્ડથી પણ સન્માનિત કરવામાં આવી ચૂક્યા છે. વનરાજ ભાટિયાએ રોયલ એકેડમ ઑફ મ્યૂઝિક, લંડનથી વેસ્ટર્ન ક્લાસિક મ્યૂઝિક વિશે ભણ્યા છે.