મુંબઈ / સુનિલ પાલ બાદ હવે આ બોલીવુડ એક્ટરનું થયું અપહરણ, ઈવેન્ટમાં બોલાવીને પડાવાયાં 2 લાખ

બોલીવુડવાળા માથા પર કાળ ચાલી રહ્યો હોય તેવું લાગી રહ્યું છે. કોમેડિયન કમ એક્ટર સુનિલ પાલ બાદ હવે વધુ એક એક્ટર ઠગબાજોની ચપેટમાં ચઢ્યાં છે. એક્ટર મુસ્તાક ખાનને યુપીના બિજનૌરમાં એક કાર્યક્રમના બોલાવીને અપહરણ કરવામાં આવ્યું હતું. અપહરણકારોએ તેની પાસેથી ₹2 લાખની ઉચાપત કરી હતી અને તેને બંધક બનાવીને ત્રાસ આપ્યો હતો. બીજા દિવસે સવારે તક મળતાં તેઓ ભાગી નીકળ્યાં હતા. પોલીસે ઘટનાની તપાસ શરૂ કરી છે.

મેરઠના શખ્સે ફોન કરીને કાર્યક્રમમાં બોલાવ્યાં

મુસ્તાક ખાનના ઈવેન્ટ મેનેજર શિવમ યાદવના અહેવાલ મુજબ 15 ઓક્ટોબરે મેરઠના એક વ્યક્તિ રાહુલ સૈનીએ મુસ્તાકને એક ઈવેન્ટમાં હાજરી આપવાનો પ્રસ્તાવ મૂક્યો હતો. 20 નવેમ્બરે મુસ્તાક ખાન મુંબઈથી દિલ્હી પહોંચ્યાં હતા જ્યાં રાહુલ દ્વારા મોકલવામાં આવેલી એક કેબ તેમને લેવા આવી હતી. આ વાહન મેરઠ આવવાનું હતું અને ડ્રાઈવર સિવાય તેમાં એક વધુ વ્યક્તિ પણ હાજર હતી. આ પછી ડ્રાઈવરે કાર રોકીને તેને બીજી કારમાં બેસાડ્યો અને આ કાર પણ એ જ વૃદ્ધ ડ્રાઈવર ચલાવી રહ્યો હતો. વાહન થોડે આગળ વધ્યું કે વધુ બે લોકો પણ તેમાં ચડી ગયા અને તેમને ગાડીમાં બેસાડીને અજાણી જગ્યાએ લઈ જવાયા હતા અને તેમનો ફોન પણ ઝૂંટવી લેવાયો હતો અને તેના ખાતામાંથી પૈસા ટ્રાન્સફર કરાવી લીધાં હતા. પોલીસ સૂત્રોનું માનીએ તો તેઓ કહે છે કે પહેલા મુસ્તાકનું અપહરણ કરવામાં આવ્યું હતું અને ત્યારબાદ તેને બિજનૌર લવાયો હતો.

સુનિલ પાલનું પણ થયું હતું અપહરણ

ઉલ્લેખનીય છે કે થોડા સમય પહેલા કોમેડિયન કમ એક્ટર સુનિલ પાલનું પણ અપહરણ થયું હતું.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ