પાકિસ્તાનના દિગ્ગજ ક્રિકેટર મુશ્તાક અહેમદનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં તેમની દીકરી તેમને લિપસ્ટિક લગાવતી જોવા મળી રહી છે, જે પાકિસ્તાની ક્રિકેટરના ફેન્સને બિલ્કુલ પસંદ નથી આવી રહ્યું અને લોકો તેની ટીકા કરી રહ્યા છે અને તેમની દીકરીને પણ આડે હાથ લીધી છે.
આ પાકિસ્તાની ક્રિકેટરનો એક વીડિયો વાયરલ
વીડિયોમાં દીકરી પિતાને કરી રહી છે મેકઅપ
ટ્રોલર્સે ક્રિકેટર અને તેની દીકરીને લીધી આડે હાથ
શું છે વીડિયોમાં
હકીકતમાં મુશ્તાક અહમદ વીડિયોમાં ભર ઊંઘમાં સૂતા જોવા મળી રહ્યાં છે. આ દરમિયાન તેમની દીકરી સુમિયા પિતાના હોઠ પર લિપસ્ટિક લગાવી રહી છે. આ વીડિયો સામે આવ્યા બાદ લોકોએ સુમિયાના કપડાને લઈને પણ ખરાબ કમેન્ટ કરી રહ્યાં છે.
એક ફેને તો એટલે સુધી કહી દીધું કે, લોકોને ધર્મની વાત શીખવાડવાવાળા મુશ્તાક પોતાની દીકરીને સાચવી નથી શકી રહ્યાં. તમને જણાવી દઈએ કે, આ પહેલાં પાકિસ્તાનના સીનિયર ક્રિકેટર સકલેન મુશ્તાકનો વીડિયો વાયરલ થયો હતો. જેમાં તેઓ મહિલાઓની જેમ મેકઅપમાં દેખાયા હતા. જોકે, આવું પહેલીવાર નથી થયું કે કોઈ પાકિસ્તાની ક્રિકેટરની ફેમિલીને તેમના કપડાંને કારણે ટ્રોલ કરવામાં આવ્યા હોય.
ઉલ્લેખનીય છે કે, મુશ્તાક અહમદે પોતાના દેશ માટે 185 ટેસ્ટ અને 144 વનડે મેચમાં 161 વિકેટ ઝડપી છે, જ્યારે ફર્સ્ટ ક્લાસ ક્રિકેટમાં તેના નામે 1407 વિકેટ છે.