સ્પોર્ટ્સ / ખેલાડીએ કેચ ન પકડ્યો તો કેપ્ટન પિત્તો ગુમાવ્યો, ચાલુ મેચમાં લાફો મારવાનો પ્રયત્ન; જુઓ VIDEO

• બાંગ્લાદેશમાં રમાઈ રહી હતી મેચ 
• કેચ પકડવા મુદ્દે વિકેટકિપર ફિલ્ડર પર વિફર્યો 
• અન્ય ખેલાડીઓ વચ્ચે પડતા મામલો થાળે પડ્યો 

ક્રિકેટ એક એવી ગેમ છે જેમાં જુસ્સો અને જોશ ખૂબ વધારે હોય છે જોકે ઘણીવાર ખેલાડીઓ ગુસ્સામાં પણ આવી જતા હોય છે અને આ ગુસ્સાના કારણે ઝપાઝપી કરવા પર ઉતરી આવતા હોય છે ત્યારે આવી જ એક ઘટના બાંગ્લાદેશથી સામે આવી રહી છે. 

ભડકી ઉઠ્યો કેપ્ટન 

બાંગ્લાદેશમાં અત્યારે T20 કપ રમાઈ રહી છે અને લાંબા મુકાબલા બાદ ટોપ 4 ટીમો નક્કી થઇ ગઈ છે. બેક્સિમો ઢાકા અને ફોર્ચ્યુન બર્શિલ વચ્ચે સોમવારે મેચ રમાઈ જેમાં મુશફિકુર રહીમની કેપ્ટનશીપવાળી ટીમે 9 રને જીત નોંધાવી.  

Calm down, Rahim. Literally. What a chotu 🐯🔥

(📹 @imrickyb) pic.twitter.com/657O5eHzqn

— Nikhil 🏏 (@CricCrazyNIKS) December 14, 2020

કેચ મુદ્દે માથાકૂટ 

આ મેચમાં પોતાના ગુસ્સાના કારણે રહીમ ચર્ચામાં રહ્યા, તેઓ પોતાની જ ખેલાડી નાસુમ અહમદ પર ભડકી ઉઠ્યા. 17મી ઓવરમાં મેચ રોમાંચક સ્થિતિમાં હતી અને બાર્શિલ ટીમને 19 બોલમાં 45 રનની જરૂર હતી અને પાંચ વિકેટ હાથમાં હતી. 

અન્ય ખેલાડીઓએ મામલો થાળે પાડ્યો 

અફીફ હુસૈન સારી બેટિંગ કરી રહ્યા હતા પણ તેઓ બોલને ફાઈન લેગની ઉપર રમવા ગયા અને બોલ હવામાં ઉપર જતી રહી. વિકેટકિપર રહીમ કેચ કરવા માટે દોડ્યો અને ફાઈનલ લેગ પર ઉભો નાસુમ પણ દોડી પડ્યો. રહીમે કેચ પકડી લીધો અને ત્યારે બંને ખેલાડીઓ વચ્ચે ટક્કર થતા થતા રહી ગઈ. 

નાસુમ ત્યાં જ ઉભો હતો પરંતુ તેની અણઆવડતના કારણે રહીમે પોતાની પિત્તો ગુમાવ્યો અને નાસુમને લાફો મારવા પ્રયત્ન કર્યો. જેમ તેમ રહીમે પોતાનો ગુસ્સો કાબુમાં કર્યો. જોકે નાસુમ ખૂબ ભયભીત થઇ ગયો તેવું લાગી રહ્યું હતું.  જોકે બાકીના ખેલાડીઓએ બંનેને શાંત કર્યા અને જુસ્સો વધારવા પ્રયત્ન કર્યા.