પશ્ચિમ બંગાળમાં ચૂંટણી દરમિયાન હિંસા સામે આવી છે. પશ્ચિમ બંગાળના મુર્શીદાબાદમાં બોમ્બથી હુમલો થયો હોવાની ઘટના સામે આવી છે. બોમ્બથી હુમલો થતા ટીએમસીના એક કાર્યકર્તા ઈજાગ્રસ્ત થયા છે.
ટીએમસીના કાર્યકર્તાને ઈજાગ્રસ્ત હાલતમાં સારવાર માટે હોસ્પિટલ ખસેડવામાં આવ્યા છે. તો બોમ્બ અટેક થતા સ્થાનિકો સહિત કાર્યકર્તાઓના ટોળે ટોળા ઉમટ્યા હતા. ઘટનાની જાણ પોલીસને થતા પોલીસ ઘટના સ્થળે પહોંચી હતી અને કોણે બોમ્બથી અટેક કર્યો તે દિશામાં શોધખોળ હાથ ધરી છે.
West Bengal: Three TMC workers injured after a crude bomb was hurled at them. The incident took place in Domkal municipality in Murshidabad pic.twitter.com/zHlVechLCz
બૂથ લૂંટવાનો પણ થયો પ્રયાસ
પશ્ચિમ બંગાલમાં બૂથ લૂંટવાનો એક પ્રયાસ સામે આવ્યો છે. પશ્ચિમ બંગાળના મુર્શીદાબાદમાં બૂથ લૂંટવાનો પ્રયાસ સામે આવ્યો છે. તો બૂથ લૂંટવાના પ્રયાસ બાદ કાર્યકર્તાઓ વચ્ચે મામલો બીચક્યો અને ઘર્ષણ થયું. આ ઘર્ષણમાં ટીએમસીના ત્રણ કાર્યકર્તાઓ ઈજાગ્રસ્ત થયા છે. તો ઈજાગ્રસ્તો કાર્યકર્તાઓને સારવાર માટે ખસેડવામાં આવ્યા છે.
લોકસભા ચૂંટણીમાં આજે ત્રીજા તબક્કાનું મતદાન યોજાયુ છે. 14 રાજ્ય અને કેન્દ્રશાસિત પ્રદેશોની 117 બેઠકો પર મતદાન યોજાયું છે. ત્યારે આસામ, કેરળ અને પશ્વિમ બંગાળની વાત કરવામાં આવે તો વહેલી સવારથી જ મતદારો મતદાન મથકે વોટિંગ માટે ઉમટ્યા હતા. વહેલી સવારથી જ મતદારોએ મતદાન માટે લાંબી લાઈનો લગાવી હતી. તો આજે ગુજરાત, કેરળ અને ગોવામાં એક જ તબક્કામાં મતદાન યોજાયું છે.