જેતપુરના જૂના રાજકોટ રોડ ઉપર આવેલ જયરાજ કોટન પ્રિન્ટિગ નામના સાડી છાપવાના કારખાનની બે વ્યક્તિ સાથે કામ કરતા હતા. આ દરમિયાન બંને વચ્ચે માથાકૂટ થઇ હતી. હુમલાના આ બનવામાં એક મજૂરને ગંભીર ઇજા પહોંચતા વહેલી સવારે કારખાના માલિકનેને ચોકીદારે ફોન કરી જાણ કરી હતી કે, કારખાનામાં કામ કરતો અને મૂળ ઉત્તર પ્રદેશના ગજિયાપુર જિલ્લાના જમાનિયા તાલુકાનો રેવતીપુરનો રહેવાસી એવા જયશંકર ઉર્ફે સુનિલકુમાર ઉર્ફે ગુડ્ડુ ખુબજ ગંભીર રીતે ઘાયલ થયો છે. જેની જાણ થતાં કારખાના માલિકે જેતપુર સિટી પોલીસ સ્ટેશનમાં ફોન કરીને જાણ કરી હતી.
લાકડાના ધોકા ફટકારતાં ગુડ્ડુનું મોત
આ અંગે જાણ થતાં પોલીસ ઘટનાસ્થળે દોડી જઇ તપાસ હાથ ધરતા ગુડ્ડુનું મોત નીપજ્યું હોવાનું સામે આવ્યું હતું. પોલીસે ગુડ્ડુના મૃતદેહને જેતપુર સિવિલ હોસ્પિટલમાં ખસેડયો હતો અને ફોરેન્સિક PM અર્થ રાજકોટ મોકલ્યો હતો. જેમાં ગુડ્ડુનું મોત લાકડાના ધોકાના ફટકાથી અને ઢીકા પાટુનો માર મારવાથી થયું હોવાનું જાણવા મળેલ હતું
હત્યાના CCTV આધારે પોલીસ તપાસનો ધમધમાટ
જેતપુર પોલીસ દ્વારા આ બાબતે વધુ તપાસ માટે કારખાનાના CCTV તપાસતા ગુડ્ડુ સાથે જ કામ કરતો અન્ય પર પ્રાંતિય મજૂર જેનું નામ જગો છે. પરંતુ મૂળ ક્યાંનો છે તે જાણકારી નથી. તે જગો ગુડ્ડુને લાકડાના ધોકા અને ઢીકાપાટુ મારતો નજરે ચડયો હતો. જેને લઈને મજૂરનું મોત નીપજ્યું હતું. જયારે હત્યાની ઘટનાને અંજામ આપી આઆરોપી નાશી છૂટયો હતો. જેની પોલીસે તપાસ હાથ ધરી જગાને જેતપુરના બાવા પીપળીયા ગામની સીમમાંથી દબોચી લીધો હતો. જેની વિરુદ્ધ કેસ દાખલ કરી પોલીસે વધુ તપાસ હાથ ધરી છે.