હિચકારી હત્યા / હું આજથી તમારી દીકરી નથી કહી ઘર છોડીને પ્રેમી સાથે રહેતી પુત્રીના 35 ટુકડા મળ્યા, પિતાનું દર્દ સાંભળી રૂવાળા ઊભા થઈ જશે

• શ્રદ્ધા વાકર હત્યા કેસમાં આરોપીની ધરપકડ
• જલ્લાદ આરોપીએ શ્રદ્ધાની હત્યા કરી શરીરના 35 ટુકડા કર્યા
• પિતાએ પોલીસ સમક્ષ વસવસો વ્યક્ત કર્યો

મુંબઇ કોલ સેન્ટરમાં કામ કરતી સહકર્મી યુવતીને એક શખ્સ લગ્નની લાલચ આપી મુંબઈથી દિલ્હી લઈ ગયો હતો. ત્યારબાદ યુવતીએ લગ્નની વાત કરતાં યુવકે યુવતીની હત્યા કરી લાશના ટુકળા કરી નાખ્યા હતા અને ટુકળાને દિલ્હીમાં અલગ અલગ જગ્યાએ  ફેંકી દીધા હતા. જે બનાવને પાંચ મહિના વિત્યા બાદ પર્દાફાસ થયો છે. જેમાં પોલીસે આરોપી આફતાબ અમીન પૂનાવાલાની ધરપકડ કરી લીધી છે.

ઘરે ઝઘડો કરી શ્રદ્ધા નીકળી ગઇ હતી : પિતાનો વસવસો
દિલ્હીના મહરૌલી પોલીસ ચોકીમાંવિકાસ મદાન વાકર નામના આધેડે દીકરીના અપહરણની ફરિયાદ નોંધાવી હતી. પીડિતે જણાવ્યું હતું કે, તે મહારાષ્ટ્રના પાલઘરમાં રહે છે. જેની  26 વર્ષિય દીકરી શ્રદ્ધા વાકર મુંબઈ આંતરરાષ્ટ્રીય કંપનીના કોલ સેન્ટરમાં નોકરી કરતી હતી.  જ્યાં આફતાબ અમીન સાથે શ્રદ્ધાની મુલાકાત થયા બાદ  બંને એકબીજાને પસંદ કરવા લાગ્યા અને તેઓ લીવ ઈન રિલેશનશિપમાં રહેવા લાગ્યા હતા. શ્રદ્ધાના પિતાએ વધુમાં જણાવ્યું કે 2019માં દીકરીએ કહ્યું હતું કે તેને આફતાબ સાથે લિવ-ઇનમાં રહેવા કહ્યું હતુ. જોકે છોકરો  મુસ્લિમ હોવાથી પિતાએ મનાઈ કરી હતી. જેને લઇને શ્રદ્ધાએ કહ્યું કે 'હું 25 વર્ષની થઈ ગઇ હોવાથી મારા પોતાના નિર્ણય લેવાનો અધિકાર છે. મને આફતાબ સાથે રહેવું છે.'  તથા હું તમારી દીકરી નથી તેવું સમજો એમ કહી ઝઘડો કરી શ્રદ્ધા ઘરેથી નીકળી ગઇ હતી.

શરીરના 35 ટુકડા કરી ફ્રિજમાં સંતાડ્યા હતા
ત્યારબાદ બંને સાથે રહેતા હતા.  આ દરમિયાન બંને વચ્ચે અવારનવાર ઝઘડો પણ થતો હતો. જે અંગે શ્રદ્ધા તેની માતાને ફોન પર કહેતી હતી અને મારકૂટ કરતો હતો એ પણ કહેતી હતી. ત્યારબાદ મેં માણિકપુર મહારાષ્ટ્ર પોલીસ સ્ટેશનમાં કેસ દાખલ કર્યો. જે  તપાસમાં મારી છોકરી દિલ્હીના છતરપુરમાં આફતાબ સાથે રહેતી હોવાનું સામે આવ્યું હતું.  આ મામલે પોલીસે હત્યારા આરોપીની ધરપકડ કરી છે.પોલીસના જણાવ્યા અનુસાર આરોપી આફતાબે શ્રદ્ધાની હત્યા કરી 35 ટુકડા કર્યા હતા. જે ટુકડાને ઘરમાં રાખ્યા હતા અને તેમાથી ગંધ ન આવે તે માટે એક ફ્રિજ ખરીદ્યું અને શરીરના ટુકડા ફ્રિજમાં સંતાડયા હતા.  ત્યારબાદ 18 દિવસ સુધી રોજ રાત્રે આ ટુકડાઓને દિલ્હીમાં ફેંકી દેતો હતો.