ભક્તિનગર સર્કલ પાસે થયેલા ફાયરિંગમાં હનીફ કાસમાણી ઉર્ફે મામુ દાઢીની હત્યા કરી નાખવામાં આવી છે તો 2 લોકોને ગંભીર રીતે ઈજાઓ પણ પહોંચી છે.
મોરબીના પાસે અંધાધૂંધ ફાયરિંગ
ફાયરિંગમાં હનીફ કાસમાણી ઉર્ફે મામુદાઢીની હત્યા
અગાઉ હનીફ કાસમાણીની ગેંગે એક વાસમાં કર્યા હતા ફાયરિંગ
મોરબીમાં ભક્તિનગર સર્કલ પાસે બનેલા ફાયરિંગના બનાવમાં નીફ કાસમાણી ઉર્ફે મામુ દાઢીનું ઢીમ ઢાળી દેવામાં આવ્યું છે. અજાણ્યા શખ્સો દ્વારા કરાયેલા આ હુમલામાં ફિલ્મી સીનની જેમ એક બાદ એક ગોલિયો વિધી મામુ દાઢી અને તેની સાથે અન્ય બે લોકોને ટાર્ગેટ કરવામાં આવ્યા હતા જેમાં ઘટના સ્થળે 1નું મોત અને અન્ય બે લોકો ગંભીર રીતે ઘવાયા છે.
અગાઉ હનીફ કાસમાણીની ગેંગે એક વાસમાં કર્યા હતા ફાયરિંગ
પ્રાથમિક માહિતી અનુસાર આ હુમલો હનીફ કાસમાણી ઉર્ફે મામુ દાઢીને ટાર્ગેટ કરી કરવામાં આવ્યો હતો આ અગાઉ અગાઉ હનીફ કાસમાણીની ગેંગે એક વાસમાં કર્યા હતા ફાયરિંગ જે બાદ બનેલો આ બનાવ એ સૂચવે છે કે જૂની અદાવતમા ખૂની ખેલ ખેલાયો છે જેમાં હનીફ કાસમાણી ઉર્ફે મામુ દાઢીનું ઢીમ ઢાળી દેવામાં આવ્યું છે. રાત્રિના અંધારાની આડ લઈ કરવામાં આવેલા હુમલામાં હુમલાખોરની ઓળખ છતી કરવી મુશ્કેલ બની છે પણ સૂત્રો દ્વારા મળતી માહિતી અનુસાર મોરબી કંડલા બાયપાસ પર ભક્તિનગર સર્કલ પાસે નવા બની રહેલા ઓવરબ્રિજ પાસે સાડા 9 વાગ્યાના ટકોરે મામુદાઢી સહિતના ત્રણ ઈસમો ઉપર અજાણ્યા શખ્સે અંધાધૂંધ ગોળીબાર કર્યો હતો જે બાદ હુમલામાં હનીફ ગુલામભાઈ કાસમાણી ઉર્ફે મામુદાઢીનું સારવાર મળે તે પૂર્વે જ હિચકારું મોત થયું હતું. જ્યારે 2 વ્યક્તિને ગંભીર હાલતમાં સારવાર અર્થે હોસ્પિટલ ખસેડવામાં આવ્યા છે.
મોટી સંખ્યામાં પોલીસ કાફલો ઘટનાસ્થળે
જૂના ઝઘડાનું વેર વાળવા કરવામાં આવેલા હુમલાની પોલીસને જાણ થતાં જ સપી અને ડીવાયએસપી સહિતનો મોટી સંખ્યામાં પોલીસ કાફલો ઘટના સ્થળે દોડી આવ્યો હતો. જે બાદ ફાયરિંગ કરવામાં આવેલા વિસ્તારને કોર્ડન કરી તપાસ તેજ કરવામાં આવી હતી.સૂત્રો દ્વારા મળતી માહિતી અનુસાર બોલેરો કારમાં આવેલા શખ્સો દ્વારા મામૂદાઢી પર હુમલો કરવામાં આવ્યા હોવાનું અનુમાન અંકાઇ રહ્યું છે તેમાંથી એક ઈસમનું નામ ઇમરાન હોવાનુંની પણ લોકમુખે વાતો થઈ રહી છે.
પોલીસ અનુમાન લગાવી રહી છે કે ફાયરિંગ બાર બોર સહિતના હથીયારોમાંથી કરવામાં આવ્યા છે. હાલ તો મોરબીના SP સુબોધ ઓડેદરા DYSP રાધિકા બારાઈ મોરબી એ ડીવીઝન પોલીસ તેમજ LCB સહિતનો પોલીસ કાફલો ઘટના સ્થળે પહોંચ્યો છે અને આરોપીઓને ઝડપી પાડવા કવાયત હાથ ધરી છે ત્યારે સવાલ એ છે કે મામુ દાઢી પર હિચકારો હુમલો કર્યો કોણે? અને આરોપી શખ્સો ફિલ્મીઢબે આવી હત્યા કરી કયા રફુચક્કર થયા તે પોલીસ અને તપાસ કરતી અન્ય ટીમ માટે મોટો સવાલ છે.