અંકલેશ્વર તાલુકાના તરીયા ગામે એક નર્સ યુવતીના 2 પ્રેમીઓ વચ્ચે ખૂની ખેલ ખેલાયો હતો, બે મિત્રો વચ્ચે આવેલી યુવતીના કારણે એક વર્ષ પહેલાંની દોસ્તી દુશ્મનીમાં ફેરવાઈ ગઈ હતી
અંકલેશ્વરમાં મિત્ર જ બન્યો મિત્રનો જાની દુશ્મન
નર્સ યુવતીના પ્રેમમાં બે મિત્રો બની ગયા જાની દુશ્મન
યુવતીના પૂર્વ પ્રેમીની બીજા પ્રેમીએ કરી હત્યા
અંકલેશ્વર તરિયા ગામ ખાતે નર્સ પ્રેમિકા 2 દોસ્તો વચ્ચે બની દુશ્મનીનું કારણ બની છે. પેહલા પ્રેમીનો બીજા પ્રેમીએ 6 સાથીદારોની મદદથી ધારીયા વડે હત્યા કરતા ખળભળાટ થઈ ગયો છે. ફિલ્મી કહાની જેમ બીજા ગામે કરીયાણું લેવા જતા સતીષ વસાવાએ બમ્પર પાસે ગાડી ધીમી પાડતા જ રાકેશ વસાવાએ ઘેરી લઇ હત્યાને અંજામ આપ્યો હતો.
કોરોના કાળમાં જીવન બચાવનારી વોરિયર્સ એવી નર્સ જ 2 મિત્રો વચ્ચે દુશ્મનનીનું કારણ બની હોવાનો કિસ્સો અંકલેશ્વરથી બહાર આવ્યો છે. નર્સના પેહલા પ્રેમી એવા મિત્રને બીજા પ્રેમીએ તરિયા ગામના પાટિયા પાસે અન્ય 6 સાથીદારોની મદદથી આંતરી ધારીયાના એક પછી એક ઘા ઝીંકી ઠંડા કલેજે હત્યા કરી દેવાઈ છે.
અંકલેશ્વર તાલુકાના તરીયા ગામે એક નર્સ યુવતીના 2 પ્રેમીઓ વચ્ચે ખૂની ખેલ ખેલાયો હતો. બે મિત્રો વચ્ચે આવેલી યુવતીના કારણે એક વર્ષ પહેલાંની દોસ્તી દુશ્મનીમાં ફેરવાઈ ગઈ હતી. નર્સના વર્તમાન પ્રેમી તથા તેના 6 જેટલા સાથીદારોએ મળી નર્સના પૂર્વ પ્રેમીનો કાંટો કાઢી નાખતા અંકલેશ્વર રૂરલ પોલીસે હત્યાનો ગુનો નોંધી તપાસ હાથ ધરી છે.