ગુજરાતમાં એક તરફ મહામારીએ માઝા મૂકી છે ત્યારે એક હત્યાના બનાવે વડોદરાને હચમચાવી મૂક્યુ છે.
વડોદરાના સેવાસી વિસ્તારમાં યુવકની હત્યા
28 વર્ષીય અતુલ ઠાકોરનો મૃતદેહ ઝાડીઓમાંથી મળ્યો
માથાના ભાગે તીક્ષ્ણ હથિયારથી હુમલા દ્વારા હત્યા
વડોદરામાં એક દર્દનાક ઘટના સામે આવી છે જેને પગલે વડોદરાવાસીઓ સહેમી ગયા હતા. કરપીણ હત્યા કરી મૃતદેહને ઠેકાણે પાડી દેવાયો હોવાની ઘટના સામે આવી છે. ગુમ યુવકની લાશ મળી આવતા વડોદરાવાસીઓ હબક ખાઈ ગયા હતા.
વડોદરાના સેવાસી વિસ્તારમાં યુવકની હત્યાનો મામલો સામે આવ્યો છે. 28 વર્ષીય અતુલ ઠાકોરનો મૃતદેહ ઝાડીઓમાંથી મળ્યો છે. બપોરથી અતુલ ઠાકોર હતો ગુમ હતો. અતુલને માથાના ભાગે તીક્ષ્ણ હથિયારનો માર મારવામાં આવ્યો છે. આવા ઘાતકી હુમલા દ્વારા અતુલની કરપીણ હત્યા કરાઈ હોવાનું સામે આવ્યુ છે. મૃતક અતુલના હાથ પરના નિશાનના આધારે પોલીસે ઓળખ કરી બતાવી છે. પોલીસે હાલ યુવકના મોતને લઈને તપાસ હાથ ધરી છે.