પોસ્ટમોર્ટમ રિપોર્ટમાં બાળકી સાથે દુષ્કર્મ અને સૃષ્ટિ વિરૂદ્ધનું કૃત્યુ થયું હોવાનું ખૂલ્યું, આરોપી આધેડ ઝબ્બે
સુરતના પાંડેસરામાં બાળકી પર દુષ્કર્મ અને હત્યાનો ભેદ ઉકેલાયો
પોલીસે 40થી 45 વર્ષના આધેડની કરી ધરપકડ
આરોપીએ નશાની હાલતમાં આચર્યું હતું દુષ્કર્મ
સુરતના પાંડેસરાના વડોદ ગામે બાળકીની હત્યા કેસમાં આજે નવો ખુલાસો થવા પામ્યો છે. અઢી વર્ષની બાળકીની ગઇકાલે પોલીસને વડોદ ગામમાંથી લાશ મળી આવી હતી. મૃતક બાળકીના પોસ્ટમોર્ટમ રિપોર્ટમાં બાળકી સાથે દુષ્કર્મ અને સૃષ્ટિ વિરૂદ્ધનું કૃત્યુ થયું હોવાનું બહાર આવ્યું છે. દિવાળીની રાત્રે ઘરના આંગણેથી બાળકી રમતી હતી તે સમયે તેનું અપહરણ કરવામાં આવ્યું હતું. બાળકીના અપહરણ બાદ પોલીસના 100 જેટલા જવાનો બાળકીને શોધવા માટે કામે લાગ્યા હતા. પરંતુ બાળકીનો મૃતદેહ મળ્યા બાદ અને ખુલાસા બાદ પોલીસે નરાધમ આરોપીને પકડવા માટેની કવાયત તેજ કરી હતી. જો કે પોલીસે CCTV ના આધારે આરોપીની ધરપકડ કરી છે.
40થી 45 વર્ષના આરોપી આધેડની ધરપકડ
ફોરેન્સિક પીએમ રિપોર્ટમાં મોટો ખુલાસો થયો છે કે બાળકી સાથે દુષ્કર્મ અને સૃષ્ટિ વિરૂદ્ધનું કૃત્યુ થયું જે બાદ તેની હત્યા કરી દેવામાં આવી. પોલીસે બાળકીના વિસ્તારનો જ રહેવાસી 40થી 45 વર્ષના આરોપી આધેડની અટકાયત કરી છે.આરોપીએ નશાની હાલતમાં આવ્યો હતો અને એકલતાના લાભ લઈ લાલચ આપી બાળકીને ઉઠાવી ગયો હતો. જે બાદ નરાધમ આરોપીએ બાળકીને પીંખી નાખી હતી.સમગ્ર મામલે પોલીસે 40થી 45 વર્ષના આધેડની ધરપકડ કરી છે. સીસીટીવીમાં આધેડ બાળકીને તેડી લઈ જતો દેખાઈ રહ્યો હતો જે બાદ તહેવાર છોડી રાત દિવસ કામે લાગેલી પોલીસને સફળતા મળી છે. દુષ્કર્મ અને હત્યાના આરોપીને ઝડપી પાડવામાં આવ્યો છે.
દિવાળીની રાત્રે શું થયું હતું?
સુરતના પાંડેસરા વડોદ ગામમાંથી દિવાળીની રાત્રે ઘર આંગણે રમતી અઢી વર્ષની બાળકી રહસ્યમય રીતે ગુમ થઈ ગઈ હતી. જે બાદ વડોદ ગામમાં જ ઝાડીમાંથી બાળકી મૃત હાલતમાં મળી આવી હતી. જેથી પોલીસે અપહરણ અને હત્યાની દિશામાં તપાસ હાથ ધરી હતી. 100થી વધુ પોલીસ જવાનો બાળકીને શોધી રહ્યા હતા. બાળકીના પિતા મિલમાં મજૂરી કામ કરે છે. બે બાળકીઓમાં આ મોટી દીકરી હતી. ઘર આંગણે રમતા રમતા ગુમ થઈ ગઈ હતી. ઘરની આજુબાજુ ઝાડી-જંગલ છે, પોલીસ બધા જ કામ છોડીને દીકરીને રાત-દિવસથી શોધી રહી હતી. જે બાદ સીસીટીવી ફૂટેજ ખંગાળતા પોલીસ નરાધમ આરોપીને પકડવામાં આજે કામયાબ થઈ છે. પરિવાર સહિત સુરતીઓ આરોપીને કડકમાં કડક સજા થાય તેવી માંગ કરી રહ્યા છે. અને આવી રીતે કોઈ અન્ય બાળકી હવસખોરનો ભોગ ન બને તે માટે પોલીસને નક્કર પગલા લેવા આહવાન કરી રહ્યા છે.