આ હેરાન કરનારી ઘટના તામિલનાડુના ઉદગમંડલમની છે. અહીં લૂંટ-હત્યા કેસમાં જામીન પર છૂટેલા એક આરોપીએ ક્રિમિનલ બેકગ્રાઉન્ડના કારણે ઘર અને નોકરી ના મળવાના કારણે પાછુ જેલમાં જવા માટેની અરજી કોર્ટમાં કરી છે. ઉલ્લેખનીય છે કે, આ શખ્સ નવેમ્બર 2021થી શરતી જામીન પર હતો.
લૂંટ-હત્યા કેસમાં આરોપી જામીન પર છૂટ્યો
ક્રિમિનલ બેકગ્રાઉન્ડના કારણે ઘર અને નોકરી મળતી નથી
આ શખ્સે પાછુ જેલમાં જવા માટે કોર્ટમાં અરજી કરી
રૂમ અને નોકરી પણ મળતી નથી
રિપોર્ટસ મુજબ, આરોપીએ કોડાનાડૂ જિલ્લા સેશન કોર્ટમાં કરેલી અરજીમાં કહ્યું કે તેને પાછો જેલ મોકલી દેવામાં આવે. જેનું કારણ શખ્સે પોતાનુ ક્રિમીનલ બેકગ્રાઉન્ડ ગણાવ્યું છે. જેના કારણે તેને કામ પણ મળતુ નથી. તેણે ગયા વર્ષે નવેમ્બરમાં શરતોની સાથે જામીન મળ્યા હતા અને કહેવામાં આવ્યું હતુ કે તે શહેરની બહાર ના જાય અને દર સોમવારે કોર્ટમાં હાજરી પૂરાવે.
ક્રિમિનલ બેકગ્રાઉન્ડ આરોપી માટે અભિશાપ બન્યું
પોતાની અરજીમાં આરોપીએ જણાવ્યું કે ક્રિમીનલ બેકગ્રાઉન્ડને પગલે ફક્ત નોકરી નહીં, પરંતુ કોઈ પણ હોટલ અથવા ગેસ્ટ હાઉસમાં રૂમ પણ મળતો નથી. એવામાં તે જામીન પર મુક્ત ભલે થયો પરંતુ તે તેના માટે પડકારજનક બની ગયુ છે. આ સાથે આરોપીએ પોતાના નબળા આરોગ્યનું કારણ આપી કહ્યું છે કે તે ઈચ્છે છે કે તેને પાછો જેલમાં ધકેલી દેવામાં આવે.