બબિતાજી એટલે કે મુનમુન દત્તાએ ટપ્પુ સાથે અફેરની ખબરોને લઈને તોડી ચુપ્પી
ટપ્પુ સાથેના સંબંધોની અફવા ઉડતા ભડકી મુનમુન દત્તા
ઈન્સ્ટાગ્રામ પર કરી લાંબી ચોડી પોસ્ટ
બબિતાએ કહ્યું શરમ કરો
છેલ્લા કેટલાક સમયથી તારક મહેતા...ની બબિતાજી અને ટપ્પુ વચ્ચે પ્રેમ પ્રકરણ ચાલી રહ્યું છે તેને લઇને ઇન્ટરનેટ પર ચર્ચાઓ ચાલી રહી હતી જેના પર બબિતાએ હવે ઓપન લેટર લખ્યો છે.
બબિતાએ કહ્યું શરમ કરો
મુનમુન દત્તા અને રાજ અનડકટ એકબીજાને ડેટ કરી રહ્યાં છે તેવા રુમર્સના કારણે ઇન્ટરનેટ પર મિમ્સનો વરસાદ થઇ ગયો હતો. લોકો જેઠાલાલને સાંત્વના પાઠવી રહ્યાં હતા પરંતુ આજે મુનમુને સામે આવીને વાતનો ખુલાસો કરી દીધો છે કે તેના અને રાજ વચ્ચે કોઇ સંબંધ નથી.
કાલ્પનિક સમાચાર ન ફેલાવો
મુનમુને કહ્યું કે, તમને લોકોને કોણે અધિકાર આપ્યો કે તમે કાલ્પનિક સમાચારો ફેલાવો. તમે કોઇ પણ વ્યક્તિ વિશે તેની પરવાનગી લીધા વગર કંઇ કેવી રીતે છાપી શકો છો. તમારા કારણે જે-તે વ્યક્તિને માનસિક પીડા થાય છે તેનું જવાબદાર કોણ. પોતાના ચેનલની ટીઆરપી માટે કોઇકના અંતિમ સંસ્કારમાં પહોંચી જાઓ છો.
ભારતની બેટી કહેવા પર શરમ આવે છે
ફેન્સ માટે બબિતાએ લખ્યું કે, તમે લોકોએ મારા કમેન્ટ સેક્શનમાં જે પ્રકારે ગંધ ફેલાવી છે તે યોગ્ય નથી. હંમેશાથી કોઇ પણ મહિલાને ઉંમર, અને અન્ય ચીજોને લઇને અપમાનિત કરવામાં આવી રહી છે. 13 વર્ષથી લોકોનું મનોરંજન કરી રહી છુ અને 13 મિનીટમાં મારી ઇમેજ ખરાબ કરી દીધી છે. મારી જાતને ભારતની બેટી કહેવા પર મને શરમ આવી રહી છે.