સમૃદ્ધ વિસ્તારમાં વ્યવસાય કરનારા લોકો પર સૂચિત કરનો બોજો વધ્યો
ભાજપના શાસકો કમિશનરની સૂચિત કરવેરા વધારાની દરખાસ્તને ફગાવી દે તેમ ખુદ ભાજપના કોર્પોરેટરો ઇચ્છે છે.
આમ તો પ્રોપર્ટી ટેકસમાં રહેણાક મિલકતમાં હાલનો વાર્ષિક દર પ્રતિ મીટર રૂ.૧૬ના બદલે સૂચિત કર રૂ.રર અને બિન રહેણાંક મિલકતમાં હાલનો દર પ્રતિ ચો.મી. રૂ.ર૮ને બદલે રૂ.૩૪ કરી નાગરિકોને માથે રૂ300 કરોડથી વધુનું કરભારણ ઝીંકી દેવાયું છે.
સમૃદ્ધ વિસ્તારની રહેણાક મિલકતનો હાલનો ૧.૬૦નો ફેકટરનો સૂચિત ફેકટર ૧.૯ર અને બિન રહેણાક મિલકતમાં પણ આ જ પ્રકારે ફેકટરની કિંમત રખાતાં સમૃદ્ધ વર્ગ અને સમૃદ્ધ વિસ્તારમાં વ્યવસાય કરનારા લોકો પર સૂચિત કરનો બોજો વધ્યો છે.
આર્થિક મંદીનો સમય હોવા છતાં ઔદ્યોગિક એકમ, કારખાનાં, ગોડાઉન, વેરહાઉસ, હોટલ, મોલ, મલ્ટિપ્લેકસ તેમજ મનોરંજનના સ્થળોનો ફેકટર છને બદલે સાત કરી દેવાતાં વ્યાવસાયિક વર્ગ નારાજ થયો છે. જેના કારણે ભાજપના શાસકો કમિશનરની સૂચિત કરવેરા વધારાની દરખાસ્તને ફગાવી દે તેમ ખુદ ભાજપના કોર્પોરેટરો ઇચ્છે છે.