દરેક રસોડામાં અઠવાડિયામાં એકાદ વખત તો મગ બનાવવામાં જ આવતા હશે જો ના બનાવવામાં આવતા હોય તો મગના ફાયદાઓ વિશે જાણીને જરૂરથી તમે બનાવવાનું શરૂ કરી દેશો. મગ પ્રોટીનના સૌથી સારા પ્લાન્ટ બેઝ્ડ સ્ત્રોત પૈકી એક છે. તેમાં એમેનો એસિડ ખૂબ સારા પ્રમાણમાં છે જેમ કે ફેનિલાલાઈનાઈન લ્યૂસીન આઈસોલ્યૂસીન વેલિન લાઈસિન આર્જિનિન વગેરે…
મગમાં વિટામિન પ્રોટીન અને ફાઇબરનું પ્રમાણ ઘણું વધારે હોય છે. જ્યારે સ્પ્રાઉટ એટલે કે ફણગાવેલા મગમાં કેલરી ઓછી હોય છે પણ એન્ટી ઑક્સિડેન્ટ અને એમિનો એસિડ્સ વધુ પ્રમાણમાં હોય છે. આજે અમે તમને જણાવીશું મગમાં કયા પોષક તત્વોની માત્રા કેટલી હોય છે.
મગમાં રહેલા ઉચ્ચ એન્ટી ઑક્સિડેન્ટ ગંભીર રોગોના જોખમ ઘટાડે છે. તેમાં રહેલા વિટેક્સિન અને ઈસોવિટેક્સિનથી હિટ સ્ટ્રોકની શક્યતા ઘટે છે. આ ઉપરાંત બેડ કૉલેસ્ટ્રોલને ઘટાડી હાર્ટ એટેકનો ખતરો પણ ટાળે છે. મગમાં ફાઈબર પોટેશિયમ અને મેગ્નેશિયલ હોવાને લીધે લોહીનું પરિભ્રમણ કન્ટ્રોલમાં રહે છે. આ સિવાય ફાઈબર અને રેસિન્ટન્ટ સ્ટાર્સ પાચનક્રિયાને સરળ બનાવે છે.
મગમાં રહેલા પોષક તત્વોને કારણે બ્લડ શુગરનું લેવલ ઘટે છે સાથે સાથે ભૂખને ઓછી કરી હોર્મોનમાં વધારો અને વજનમાં ઘટાડો કરે છે.
આ ઉપરાંત મગમાં રહેલા ફોલેટને લીધે મહિલાઓને પ્રસૂતિ દરમિયાન રાહત રહે છે. ફણગાવેલા મગ ખાવાથી વાળ ખરતા અટકે છે. આમ અનેક ગુણોથી ભરપૂર મગને રોજિંદા ખોરાકમાં સમાવી તમે અનેક બીમારીઓથી દૂર રહી શકો છો.