BIG BREAKING / મુંબઈના પ્રસિદ્ધ ચર્ચને બોમ્બથી ઉડાવી દેવાની ધમકી, લશ્કરે-એ-તૈયબાએ ઈમેલ મોકલતા પોલીસ થઈ દોડતી

• મુંબઈના પ્રખ્યાત માઉન્ટ મેરી ચર્ચને મળ્યો ધમકીભર્યો ઈમેલ 
• લશ્કર-એ-તૈયબાના નામથી મોકલવમાં આવ્યો ઈમેલ
• પોલીસે ફરિયાદ નોંધી તપાસ હાથ ધરી 

મુંબઈના સૌથી હાઈપ્રોફાઈલ વિસ્તારો પૈકીના એક બાંદ્રા વિસ્તારમાં આવેલા પ્રસિદ્ધ માઉન્ટ મેરી ચર્ચને એક ધમકીભર્યો ઈમેલ મળ્યો છે. સૂત્રોએ જણાવ્યું છે કે, આ મેઇલ [email protected] નામના એકાઉન્ટ પરથી મળ્યો છે. સૂત્રોએ દાવો કર્યો છે કે, આ ઈમેલમાં લખવામાં આવ્યું છે કે લશ્કર-એ-તૈયબા નામનું આતંકવાદી સંગઠન માઉન્ટ મેરી ચર્ચ પર આતંકવાદી હુમલો કરવા જઈ રહ્યું છે.

માઉન્ટ મેરી ચર્ચના અધિકૃત ફોટોગ્રાફર પીટર ડોમેનિક ડિસોઝાના ઈમેલ ચર્ચની સત્તાવાર વેબસાઇટ સાથે લિંક કરવામાં આવ્યું છે. માઉન્ટ મેરી ચર્ચની સત્તાવાર વેબસાઈટ પર આવતા તમામ ઈમેલ તેમના મોબાઈલ પર આવે છે. બુધવારે સાંજે લગભગ 7.30 વાગ્યે યુઝર આઈડી  'આતંકવાદી' પરથી લશ્કર-એ-તૈયબાના હુમલા વિશે એક ઈમેલ મળ્યો.

પોલીસે બીજા ઇમેઇલ વિશે માહિતી આપી
મુંબઈ પોલીસના ઝોન-9ના ડીસીપી અનિલ પારસ્કરે જણાવ્યું કે, આ ઇમેઇલ પછી બીજો ઇમેઇલ આવ્યો છે. જેમાં દાવો કરવામાં આવ્યો છે કે તેઓ એક બાળકની માતા છે. મહિલાએ જણાવ્યું કે તેને પહેલો ઈમેલ (ધમકીવાળો) તેના પુત્ર દ્વારા કરવામાં આવ્યો હતો. ડીસીપી પારસ્કરે વધુમાં જણાવ્યું કે, તે ઈમેઇલમાં તેની માતાએ માફી માંગી છે. મહિલાએ તે ઈમેલમાં જણાવ્યું છે કે, તેમના બાળકની માનસિક સ્થિતિ સારી નથી. જેના કારણે તેણે આવો ઈમેલ મોકલ્યો હતો.

પોલીસ તપાસમાં જોડાઈ
નવા વર્ષ નિમિત્તે પોલીસ વિભાગ આવા ઈમેલને લઈને ખૂબ જ સતર્ક છે, જેના કારણે મુંબઈ પોલીસ તેની ખરાઈ કરવાનું કામ કરી રહી છે. પોલીસે આઈપીસીની કલમ 505(3) હેઠળ અજાણ્યા વ્યક્તિ વિરુદ્ધ કેસ નોંધ્યો છે અને તપાસ કરી રહી છે, પોલીસનો એવો પણ દાવો છે કે આ ઈમેલ એક પ્રકારનો હૉક્સ છે, પરંતુ તપાસ બાદ સમગ્ર સત્ય સામે આવશે.