સેન્ડલમાં લગભગ 5 કરોડનું કોકીન છુપાવીને લઈ જતી એક મહિલાની મુંબઈ એરપોર્ટ પરથી ધરપકડ કરવામાં આવી છે.
ડ્રગની તસ્કરીની વધુ એક ઘટના
મુંબઈ એરપોર્ટ પર ઝડપાઈ મહિલા
સેન્ડલમાં છુપાવીને લઈ જતી હતી કોકિન
ઝડપાયેલા કોકીનની કિંમત 4.9 કરોડ રુપિયા
ડ્રગ અને બીજા કિંમત સામાનની તસ્કરી માટે લોકો જાતજાતના હથકંડા અપનાવતા હોય છે. પરંતુ તેઓ ગમે તેટલી બુદ્ધિ વાપરે છતાં પણ તેઓ ઝડપાઈ જતા હોય છે. હવે મુંબઈ એરપોર્ટ પર એક મહિલા ઝડપાઈ છે જેના સેન્ડલમાંથી લગભગ 5 કરોડનું કોકીન નામનું ડ્રગ મળી આવ્યું હતું. કોકીન છુપાવવા માટે મહિલાએ જે આઈડિયા વાપર્યો તે જાણીને અધિકારીઓને તમ્મર આવી ગયા હતા.
#WATCH | Mumbai Airport Customs on September 29 intercepted a pax carrying 490 grams of cocaine worth Rs 4.9 crore ingeniously concealed in a special cavity made in her sandal. Pax arrested & remanded to judicial custody: Customs pic.twitter.com/SfgX0Uvx25
સેન્ડલમાં ડ્રગ છુપાવીને લઈ જતી મહિલા ઝડપાઈ
કસ્ટમ વિભાગે મુંબઈ આંતરરાષ્ટ્રીય વિમાનમથક પર એક મહિલા મુસાફરની ધરપકડ કરી હતી અને તેના સેન્ડલમાં છુપાયેલા 4.9 કરોડ રૂપિયાની કોકેન મળી આવી હતી. રવિવારે એક અધિકારીએ આ માહિતી આપી હતી. અધિકારીએ જણાવ્યું હતું કે, તલાશી દરમિયાન મહિલાના સેન્ડલમાં રહેલા હોલો ખાંચામાંથી 4.9 કરોડ રૂપિયાની બજાર કિંમતનું 490 ગ્રામ કોકેઇન મળી આવ્યું હતું. મહિલાને છત્રપતિ શિવાજી મહારાજ ઇન્ટરનેશનલ એરપોર્ટ પર કસ્ટમ અધિકારીઓ દ્વારા શંકાના આધારે પકડવામાં આવી હતી.
ડ્રગ છુપાવવા સેન્ડલમાં બનાવ્યાં ખાસ ખાંચા
મુંબઈના કસ્ટમ વિભાગે ટ્વીટ કરીને જણાવ્યું હતું કે કોકેઇન છુપાવવા માટે સેન્ડલમાં ખાસ પ્રકારના ખાંચિયા બનાવવામાં આવતા હતા. આરોપી મહિલાને જ્યુડિશિયલ કસ્ટડીમાં મોકલી આપવામાં આવી છે.