હીણું કામ / રિકવરી એજન્ટે હદ વટાવી, પોર્ન વીડિયોમાં ચીપકાવ્યો મહિલાનો ચહેરો, કઝિનને કહ્યું- સેક્સ વર્કર બની છે

• લોન રિકવરી એજન્ટનું અણછાજતું કામ 
• લોન ન ચુકવી શકનાર મહિલાનો બનાવ્યો મોર્ફેન પોર્ન વીડિયો
• પીડિત મહિલાના કઝીનને મોકલ્યો વીડિયો
• પોલીસે કરી ધરપકડ

લોન રિકવરી એજન્ટ લોન વસૂલવા માટે ક્યારેક હદ બહાર જતા હોય છે અને તેઓ અણછાજતું કામ કરી બેસતા હોય છે. મુંબઈમાં આવો એક કિસ્સો બન્યો છે. અહીં એક લોન રિકવરી એજન્ટે લોન ચૂકવવવામાં કસૂરવાર ઠરેલી એક મહિલાનો ચહેરો પોર્ન વીડિયોમાં ચીપકાવીને કઝિનના વોટ્સએપ પર મોકલ્યો હતો. આરોપીએ સાથે કહ્યું કે તે લોન ચુકવી શકી નથી અને તેથી હવે સેક્સ વર્કર બની છે.  કઝિન આ વીડિયો જોઈને આઘાત પામી હતી અને તેણે પોલીસમાં ફરિયાદ લખાવી હતી. પોલીસે તત્કાળ કાર્યવાહી કરીને 19 વર્ષીય આરોપીની કર્ણાટકમાંથી ધરપકડ કરી હતી.  

શું છે આખી ઘટના
4 માર્ચે પીડિતાની કઝીનને તેના વોટ્સએપ પર કોઈ અજાણ્યા નંબર પરથી એક પોર્નોગ્રાફીક વીડિયો મળ્યો હતો. વીડિયોમાં મહિલાનો ચહેરો બદલીને તેની કઝિનનો ચહેરો ફીટ કરી દેવાયો હતો. વીડિયો જોઈને કઝીનને ભારે આઘાત લાગ્યો હતો.

પીડિતા સેક્સ વર્કર બની છે- એજન્ટને કઝિનના વોટ્સએપ પર મોકલ્યો વીડિયો

પીડિતની કઝીનને એવો પણ ટેક્સ્ટ મેસેજ મળ્યો કે વીડિયોમાં દેખાતી હવે સેક્સ વર્કર તરીકે કામ કરી રહી છે કારણ કે તે તેની લોન ચૂકવી શકી નથી. વીડિયોમાં પીડિતાનો ફોન નંબર પણ આપવામાં આવ્યો હતો. 

લોન રિકવરી એજન્ટ સગીર નીકળ્યો 

ત્યાર બાદ પીડિતાની કઝિને તેને વાત કરી હતી આ પછી બન્ને બહેનોએ પોલીસમાં ફરિયાદ કરી હતી પોલીસે અજાણ્યા નંબર પરથી આરોપીની ઓળખ કરી હતી . પોલીસને તપાસમાં જણાયું કે આરોપી સગીર હતો અને તેનો ફોન નંબર કોઈ સિનિયર સિટિઝનને નામે નોંધાયો હતો. સિનિયર સિઝિટનનો ફોન તેનો સગીર ભત્રીજો વાપરતો હતો. આ સગીર લોન રીકવરી એજન્ટ તરીકે કામ કરતો હતો અને તેણે 10 ટકા કમિશન પણ મેળવ્યું હતુ. સગીર આરોપીને પીડિત મહિલાની તમામ વિગતો લોન કંપની દ્વારા પૂરી પાડવામાં આવી હતી.