આગાહી / મુંબઇમાં ભારે વરસાદને લઇને આજે ઓરેન્જ એલર્ટ, રાતે ભારે વરસાદથી અનેક વિસ્તારોમાં ભરાયા પાણી

• મુંબઇમાં ભારે વરસાદને લઇને ઓરેન્જ એલર્ટ
• મુંબઇમાં મંગળવારે આખી રાત પડ્યો વરસાદ
• છેલ્લા 48 કલાકથી પડી રહ્યો છે મુંબઇમાં વરસાદ

મુંબઇમાં મંગળવારે રાત્રે ભારે વરસાદ વરસ્યો છે. જેના કારણે મુંબઇના નિચાણવાળા વિસ્તારો પાણીમાં ગરકાવ થઇ ગયા છે. જ્યારે કેટલાક વિસ્તારોમાં પાણી ઘરોમાં ઘૂસી ગયેલા જોવા મળ્યાં છે. ગાંધી માર્કેટમાં પાણી બે ફૂટ જેટલું ભરાઇ ગયું.

ઉલ્લેખનીય છે કે છેલ્લા બે દિવસથી મુંબઇમાં વરસાદ પડી રહ્યો છે. હવામાન વિભાગ દ્વારા આજે મુંબઇ અને ઠાણે વિસ્તારમાં વરસાદને લઇને ઓરેન્જ એલર્ટ જાહેર કરવામાં આવ્યું છે. જ્યારે લોકોને દરિયાની નજીક ન જવા સૂચના આપવામાં આવી છે.

Dear Mumbaikars,

The IMD authorities have indicated high rainfall weather for Mumbai and other adjoining districts for the next 2 days.
Please take adequate precautions and ensure safety.#Dial100 in case of an emergency.
Take care Mumbai.

— Mumbai Police (@MumbaiPolice) September 3, 2019

જ્યારે રાતભર પડેલા વરસાદના કારણે ગાંધી માર્કેટ પાસે રોડ પર બે ફૂટ જેટલા પાણી ભરાઇ જતાં ગાડીઓ ફસાઇ ગયેલી જોવા મળી છે. જેને લઇને લોકોએ મુંબઇ પોલીસને જાણ કરીને પાણીમાં ફસાયેલી ગાડીઓને નિકાળી હતી. 

મુંબઈ શહેરના કેટલાક વિસ્તારોમાં ભારે વરસાદના કારણે પાણી ભરાઈ ગયા છે. જેમાં મુંબઈના સાયન વિસ્તારમાં અનેક સોસાયટીઓ પાણીમાં ગરકાવ થઈ ગઈ છે. જ્યારે બીજી તરફ કેટલીક કાર પણ પાણીમાં ફસાઈ ગઈ હોવાનું સામે આવ્યું હતું.
 

Mumbai: Sion area gets water-logged following rainfall in the city. #Maharashtra pic.twitter.com/Wp2QXLTpq0

— ANI (@ANI) September 4, 2019

એટલું જ નહીં મુંબઈમાં આજે હાઈટાઈડની ચેતવણી પણ જાહેર કરવામાં આવી છે. લોકોને દરિયા કિનારે ન જવા માટે તંત્રએ અપીલ કરી છે. આમ હવામાન વિભાગે વરસાદને લઇને મુંબઇમાં ઓરેન્જ એલર્ટ પણ જાહેર કર્યું છે. 

જો કે બુધવારે સવારે વરસાદ નહી પડતા લોકલ ટ્રેન સમયસર ચાલી રહી છે, તેમ છતાં બીએમસીએ જણાવ્યું કે હવામાન વિભાગે મુંબઇમાં ભારે વરસાદની આગાહી કરી છે. જેને લઇને મુંબઇના લોકોને અપીલ છે કે દરિયા કિનારે ન જાય. જ્યારે બીએમસીએ મદદ માટે હેલ્પ લાઇન નંબર પણ જાહેર કર્યો છે. બીએમએસીએ કહ્યું છે કે વરસાદને લઇને કોઇ સંકટ હોય તો 1916 પર કોલ કરવો.